Popular Bible Verses from Yakobo 2

Share

Ni khufukiilila khweenywe nakhwo khuryo. Nga khuli khwonyene busa akhali buraambi bubwokesanisa, khuba khuufu.

Nasho shili shiryo; nga kumubili kukukhalimo kumwoyo ni kuli kumufu, ni khufukiilila khukhalikho buraambi, nakhwo khuba khuufu.

Bebuulebe, shiyeeta shiina, umuundu khuloma ari, ali ni khufukiilila, n'enga buraambi bweewe sibwokesanisa shino ta? Khufukiilila ukhwo khunyala khumuwonisa?

Mufukiilila muri Wele ali mutweela. Isho shilayi. Ne ni kimisaambwa kimibi nakyo kifukiilila kiryo, naluundi kinikina ni khuurya.

Ne umuundu ukuundi anyala khuuloma ari, “Iwe uli ni khuufukiilila, ne ise ndi ni buraambi bwase.” N'untsokese khuufukiilila khwoowo khuukhalikho buraambi, ni nase kane ikhwokese khuufukiilila khwase khuubirira mu buraambi bwase.

Lwekhuuba Wele alikhala kumusaango nga s'okesanisa shiisa isi ibo babaakhokesa shiisa isi babaandi ta. Shiisa shiwonesa umuundu abe isi kumusaango kutsya khufuura.

Muryo mubona muri, shaamila khu buraambi bw'omuundu nibwo bubuukila walaangibwa khuuba umukhosefu isi Wele, ne akhuba khulwe khuufukiilila khwonyene ta.

Awo ubona uri, khuufukiilila khweewe khubonekhela atweela ni buraambi bweewe. Khuufukiilila khweewe khwiyokesanisila mu buraambi bweewe.