Popular Bible Verses from 1 Petero 1

Share

Khakhusiime Wele luundi Paapa w'Omukasya Yesu Kristo, lwe shiisa sheewe shikali, uwakhuwa ife khusaalikha bushaakha mu bulamu bwe kumwiyikino khulwe khulamusibwa khwa Yesu Kristo khukhwaama mu bafu. Lwashino, kane ifwe khufune busikha bubukhanyala khuubola, namwe bwonekha, namwe bwabakho lisaanda ta.

Ni mwikhoyele shino naabi, ikhaba nga imbuka iyaari ifwiiti iyi, mwatsiinisibwa mu bye khukhakibwa bikali bibikhali bitweela ta. Shitsiilililwa shabyo nikhwo khuukhaka khuufukiilila khweenywe noola khuli khwa ŋali. Ikhaba ni zaabu nayo iwawo, ikhakibwa ni kumulilo, ni khufukiilila khweenywe khukhuuli khwe lisuno khukhufuurisa izaabu, khwakha nakhwo khwakhakibwa, nio manya mwikhalilikhe. Ulwo nio lwanyuma munyoole lubuyi, ni shiriifwa ni lukoosi khu shifukhu khweesi Yesu Kristo alibonesebwa.

Ne nga uwabalaanga n'ali umukhosefu, nanywe ni mube bakhosefu mu byoosi byeesi mukhola. Lwekhuuba bibyaronebwa biloma biri, “Ni mube bakhosefu lwekhuuba ise ndi umukhosefu.”

Ni mube babaana babawulila Wele, mukhayilibwayilibwa ni khukhwiwotooma khweenywe khukhwanyoowa khweesi mwaba nakhwo nga mushiili khumanya bya ŋali ta.

Nashiryo ni mwirekekhe kimyoyo kyeenywe, nga mwiliindila ilala. Ni mureere ilala khukhwiyikina khweenywe khu bweela bubuutsya khubaweebwa nga Yesu Kristo atsya khubonesebwa.

Lwekhuuba bibyaronebwa biloma biri; “Babaandu boosi bafwaana nga bunyaasi, ni shiriifwa shaabwe shoosi shili nga biimuli bye mwirome, bunyaasi buniaala, ni bimuli bikwa. Ne Ilomo y'Omukasya ibawo biilo ni biilo.” Ni ilomo yino niko kamakhuuwa kamalayi kakaaboolelwa isi muli.