Popular Bible Verses from Efe 2

Share

Tɨ̀ yɨ əbɔ ə̀fàʼì ə Ŋwiə̀ nɨ wɨ̀ nyaʼa tekɨ ɨmbə̀ʼ tɨ chubɨ ənɨ ɨfɔtɨ mbɨ Kristo Yeso sɨə ghɨ̀ ɨnû chɔ̀m mbe nɨ Ŋwìə̀ nyaʼa fə be tekɨ rɨmbì ni tɨ̀ sɨə ghɨ̀ə̀.

Ɨchî nɨ mbə̀ benɨ, Ŋwìə̀ fə ghɨ̀ ɨ̀chɔ̀m ənɨ nən chɨ̀ əwən rəŋgəʼ. Kaʼi mbə̀nə ghɨ ənû zɔ̂. À yɨ ɨneʼe nɨ nɔʼ rɨ əmbɨ ə Ŋwiə̀. Chəi Ŋwìə̀ nyaʼa chɨ əwən rəŋgəʼ ɨmbə̀ʼ ɨchî nɨ mbə̀ nyaʼa ghɨ ənû ə mɔʼɔ, əne tɨ wə̀d mɔʼɔ goŋ i ɨgɔ̂.

Àyɨə Ŋwìə̀ we nɨə dììrɨ̀ bə̂d kwàʼ ɨchî chɔ̀m, nɨə bə̀ ghaʼ əwa kwàʼ rɨŋgəʼ ghɨ ni, ka àbei yeʼi ni ta rɨ̀gùrɨ-ɨnû nyaʼa fə zwiirɨ əwa, wɨ̀ nyaʼa ghɨ ni tɨ̀ chub ɨkǎ ɨchî nɨ tɨ̀ yeʼ ənɨ ɨfɔtɨ mbɨ Kristo. À yɨ ənjìm ɨ̀chɔ̀m Ŋwiə̀ nɨ mbə̀ fə jwɨ̀ rəŋgəʼ.

Ŋwiə̀ nyaʼa zwemnɨ əwa mbɨ Kristo, ɨmbə̀ʼ tɨ̀ chubɨ mbɨ məd ɨŋga ɨsɨ mbe rɨkaŋ ɨchî nɨ tɨ̀ yeʼ ənɨ ɨfɔtɨ mbɨ Kristo Yeso.

Əne ka mbə yɨə wɨrɨ əwən bə̂d rɨ̀sɔ̀ʼɔ̀ mbɨ ɨ̀nɔ̀ʼɔ̀. Mbə yɨə sɨə bə̂d əbeŋ ə mɔʼ mbɨ ə bə̂d Ŋwiə̀. Mbə yɨə bə̀ ə bə̂d ɨŋga ɨnəbɨ Ŋwiə̀, nɨ mbɨ bɔm ɨgun əchɨ ze nɨ bə̂d tom Kristo mbɨ ə bə̂d ɨ̀kə̀n Ŋwiə̀ nyaʼa bɔmɨ. À yɨə Kristo Yeso ziə nɨ yeʼ ɨti rɨ ɨbu nəb.