Popular Bible Verses from Kol 2

Share

Ɨchî nɨ mbə̀ fə ben ni Kristo Yeso yɨ Ə̀nùŋɨ̀sɨg, əne mbə̀ wo ɨmbì chub ənɨ ənû ə mɔʼ mbɨ məd. Mbə̀ sɔɔrɨ mbə ɨghaŋ mbɨ jeŋgɨ nyɨ ɨŋga məd, nùŋ ə ɨ̀tènɨ̀ àmei ɨgwɨ məd bə̀ ghɨ̀ ni ə ɨbenɨ kaanɨ ɨchî nɨ mbɨ nyaʼa chwi ɨ nən. Mbə̀ naʼ məben-əwe ɨ bɔ ɨghəm jìm ɨmbə̀ʼ ɨnû jìm mbe nɨ wɨə ghɨ̀ ənɨ ə nən.

Tɨ mbə̀ ben ə ni wə̀d mɔʼɔ nɨŋ ɨwe əko bə̂d mɨ̀sɔŋɨchù tambɨ əwən əŋgu əne ghɨ̀ mbə̀ ben ɨ̀bòʼò ɨ bɔ. Ɨwe əko we yɨ rɨ ənɨ mɨchî mɨ̀mbǎʼ mbɨ rəŋwe bə̀ fɔrɨ rɨ əmbɨ ɨzwî mbe nɨə tùmbɨ̀ ɨsɨg. Ka ɨwe əko wɔ̂ yɨ i rɨ əmbɨ Kristo.

Ənɨ mbə̀ nyaʼa fə kwɨ ɨmbə̀ʼ mbə ɨnû rɨbɔ̀ŋ fɔrɨ ɨmbə̀ʼ ɨchî nɨ chəi mbɨ nyaʼa kɨrɨ ne əwən ənɨ mbə̀ nyaʼa kɨrɨ ghɨ ɨnû rɨbɔ̀ŋ, Ŋwìə̀ nyaʼa waʼ ta rɨ̀gùrɨ-ɨnû jìm, əne ghɨ̀ mbə chub ɨka mbɨ Kristo. Wɨ̀ nyaʼa ghɨ̀ əne ɨchî wɨ̀ nyaʼa fu əghɨ ze nɨ mbɨ nyaʼa ŋwaʼnɨ ta rɨ̀gùrɨ-ɨnû ɨgun bə̀ fu rɨkə te nɨ nyaʼa əbɔʼ wò kombɨ əzed ə baʼnɨ.

Mɨchî Kristo ənɨ wɨ̀ nyaʼə wə̀d mɨ̀sɔŋɨchù yɨə nyaʼa ɨghabɨ mɨchî Ŋwiə̀. Ɨ̀tènɨ̀ wɨ ɨŋga nən ɨ swi ɨchî nɨ mbə̀ yeʼ ənɨ ɨfɔtɨ mbɨ Kristo. Məd ə chè ɨzwî jìm mbe nɨ yeʼ ɨkaŋ bə̀ chè ɨzwî jìm mbe nɨ yeʼ ɨŋga ɨsɨg.

Əne tɨ wə̀d mɔʼɔ zɨ i ɨsaʼi ɨgwɨ nən ɨmbə̀ʼ rɨjɨg, kɨ̀ ɨmbə̀ʼ əghɨ nɨ nɔ, kɨ̀ ɨmbə̀ʼ ənû nɨ jɨg əchwɨ̂, kɨ̀ ɨmbə̀ʼ əchwɨ̂ ɨmɨg fi, kɨ̀ ɨmbə̀ʼ əni əkwɨ. Mbɔ̂ yɨ ɨziŋɨ tɨ ənɨ ɨghɨ mbe nɨ bɨrɨ yeʼe. Tɨ̀ we tɨ̀ rɨ zə rəsìʼ we nɨ yeʼ ɨŋga ɨnû mbɔ̂ àmei ənjìm ə Kristo.