Ano dang tïnïnak de wenya, bahem na-en taïblïbirida gwen– zini men zen ebon mae onak anakan ëgu gweꞌan zalye, “Ëe an Alap mo Enho nakore olsa de ebe mae hap ayang gul gwizimdin hip de zi.” Sap yasik tabin hip de zini mes beyakam yaïng gwezak. Zep emki akasibirida gwen– dekam de anakan tame tabin hipye, “San ha zëno mae mo tawa tabinni Alap onakorena? San ha Zëbon onakore naka hom?” Zi de damnak anakan tonbirida gwenna, “Kristus Yesus Zen eiwa zi tangankam hata zaka,” zen dekam de dam tasïn, “Zëbon eiwa mes Alap mo Enhona ing gwe heka.”