Popular Bible Verses from Pa Sakka 8

Share

Ate Pabiika yaa foli bobi kaai ale saari buyopɔiwa la. Wenŋmazuk chiok an choa ya a ta dila a ga paari miita pisita.

Maarɔma wanyi yaa liŋ peeri wa damuniŋka. Ŋmoruk tana ale bolim a gum chaab ale ziim a yaa deri lo tɛŋka zuk. Wa yaa poori tɛŋka a soa se chaab la buta, ate kaukku kunyi a ju ale bolim ate tiisaŋa ale wuutaŋa meena ale jam bo ku po la a dɛ.

Mi yaa nya ale jiiruk a jam bo dula niŋniŋ wenŋmazuk a fuk a yiti. Ku yaa weeni ale lueluk kpioŋ ayen, <<Kaasuŋ! Kaasuŋ! Kaasuŋ ale cheena tɛŋka nuruma zuk. Dii nyiŋ la maarɔba batawa ale za ba peeri ba damunsaŋa la!>>

Wen maarɔ waai ale jam pai saŋ la a peeri wa damuniŋka. Ba yaa jam pai jaab ase guuk kpioŋ la ate bolim jam a dɛ ku la a yuk a basi nyakpiemu po. Nyiamu yaa poori a soa se chaab la buta kaukku kunyi a tagri chim ziim

Wen maarɔ waai ale jam saari batawa la mɛ yaa peeri wa damuniŋka. Chiŋmarik kpieŋ kaai ale jam a nyaksi nna yegayega la a yaa nyini wenŋmazuk a lo tɛŋka zuk. Maarɔwa yaa poori belaŋa meena ale bulisaŋa meena a soa se chaab la buta ate kaukku kunyi chiŋmarika a kaasi. Chiŋmarika yuei jam le <<Atoa.>> Bulisaŋa meena nyiamu a jam toa kama ate nuruba yegayega a jam nyu bu a kpi.

Wen maarɔ waai ale jam saari banaansiwa la, yaa peeri wa damuniŋka. Ba yaa poori wenbinni ale chiika ale chiŋmarisaŋa a soa se chaab la buta a yaa lueri kauk kuui ale a nyaksi la a basi. Ba jam poori yokku ale kantueŋka, a yaa basi ate ku kan nya.