Popular Bible Verses from Pa Sakka 7

Share

Ku ŋaaŋnyiŋ ate mi yaa nya ale nuru boari a za dula. Nuru an jam baga ba a chiini. Ba jam nyini ka tɛŋsa meena ale buura meena ale nuruba meena ale biisa meena po a za naam zukpalika ale Pabiika niŋ. Ba jam jo ka garuk peeluk woŋta ale ta kpinkparuk vaata ba nisima po.

Ba yaa jam kaari yegayega a weeni ayen, <<Varibasika a nyini tama Wenni ale kali naamu zukpaglika zuk la ale Pabiika jigi.>>

Pabiik kaai ale moata wenŋmazuk naamu zukpaglika la ale wa chim ba naapeerik abe wa dɛ ba niŋ a gisi buli sii ale ta nyuvuri nyiam la ate ba a nyu. Wen dek ale duisi ba ninyaataŋa a basi.>>

Dila ale soa ate ba za wenŋmazuk naamu zukpaglika niŋ ale a tom wa tuimaŋa yok ale kantueŋ. Wen dek le wa a nya ba zuk. Kɔm ale nyanyuila a kan ŋman yik ba. Kantueŋ ale tuiluk mɛ kan ŋman nak ba.

<<Basi ate mi liŋ a pai ŋmarisika a ji Wen tomteerɔma dee nyiŋ, abe fi yaa kaasi tɛŋka ale nyakpiemu ale tiisaŋa.>> Nuru ale jam weeni mi ayen baai deeŋa nyiŋ ate ba pai ŋmarisika a ji la ka nuruba tusa kook ale pisinaansi ale banaansi (144,000). Ba jam ka Izirali buuri pi ale buyewa po.