Popular Bible Verses from Pa Sakka 5

Share

Ba yaa jam yi yipaali ayen, <<Fi ka nuru waai ale magsi gbaŋka pai ka abe fi foli bobika buyopɔiwa. Ba le ko fu la, fi jam pai ka fi ziimu a da tuesi nuru boari a basi Wen jigi. Fi ale lueri ba a ta nyini satɛŋsa meena ale nuruba meena po a nyini ate ba meena a biisi biisa tɔgatɔga.

Ate ba yaa a yi yiili ate ku jueli ayen, <<Pabiik kaai ate ba ko la ku magsi ka ti a zuli fu dii nyiŋla fi soa ka ŋanta meena ale ta yam ale pagrim ale zula ale nalim ale pimpauk.>>

Fi ale bobi ba nalima a lueri ba ayen ba chim kaabteerɔma abe ba a tom tuima a te ti Wenni. Ba ale soa tɛŋka meena nuruma.>>

Ate mi yaa wom ŋan baai buuni meena ale bo wenŋmazuk ale tɛŋzuk meena ale kpiluŋ ale nyiam po meena ate ba jam a yi yiili ayen, <<Ni basi ate ti pak Waai ale kali wenŋmazuk naamu zukpaglika zuk la ale Pabiika, dii nyiŋla ba ta ka zula ale nalim ale pagrim yegayega taam wuu.>>

Nisɔmma wanyi a yaa weeni mi ayen, <<Kan fi a kum. Gbeŋli dii ale nyini Juda demma po la, wa ka Naawa Deevid ŋaaŋbiik. Wala ale nakdeerɔ. Wa le foli bobika buyopɔiwa a lak gbaŋka.>>