Popular Bible Verses from Pa Sakka 20

Share

Baai ate ba an ŋmarisi ba yueŋa a nyo nyuvuri gbaŋka po la, ba jam maa pai ba a yuk basi ka dula.

Mi yaa nya tɛŋzuk nuruma baai ale jam ka nuru kpienta ale baai ale jam kan daa nuru kpienta ate Wen yaa nak ba yiti kum po la. Ba jam za ka wa zulaŋa zukpaglika niŋ. Ba yaa jam lak nyuvuri gbaŋka ale gbaŋsa si chaab. Wa jam bo ba buusa a magsi chaab ale ka dii ate ba nye la ale dii ale jam ŋmarisi a nyo gbaŋsaŋa po la.

Baai ale jam kpi ate ba gu ba tɛŋka ale nyakpientaŋa po la, ale baai ale jam bo kpiluŋ tɛŋ la, nuruma de meena a jam za ka dula. Wen a jam bo ba buusa a magsi chaab ale ka tuim ŋaai ate ba jam tom la. Ba jam pai ka kum ale Kpiluŋ Tɛŋ a yuk basi nyakpiemu po ate bolimu a kasim jam a dɛ la ayen bu dɛ ba a kaasi. Kude ka kum buui ale a saari buye la.

Ate mi yaa ŋman nya zukpaglika wenŋmazuk. Ka jam ka zukpaglik kpieŋ peeluk ate nuru a jam kali ka zuk. Tɛŋka ale wenŋmazuk a jam muriŋ bɛ wa niŋ, jigi mɛ abe jam karo ayen ba sugi.

Bena tusini a dan ga nueri, ba le basi ate Sitaana nyini Vɔrumu po a nyini. Wa le nyiem a cheŋ kama a paasi tɛŋzuk nuruma, abe wa a tigsi ba a gum chaab ale Gɔg ale Megɔg ate ba maa chaab a tu Wen nuruma a nye kpaliŋ. Sitaana ale wa nuruma de ale piisi kama nna yegayega ase beli tintain busuŋ la ate nuru an baga a le chiini ba.