Popular Bible Verses from Pa Sakka 19

Share

Wa zuak a gaam ŋanta meena kama. Dila ale soa ate ku a fɛ ayen ti a pak wa ale suipeentik. Di danni a paari kama ayen Pabiika a faari nipok waai ale gomsi wadek a limisi wa la.

Ba jam ŋmarisi ka yuei a dueni tugurik tɔŋdɔma kpagni kasaauku ale wa naŋsaŋa kanyi nyiŋ. Yuenni jam ale, <<Nalima Meena Naab Ale Nyama Meena Nyɔnɔ.>>

Ate mi yaa nya ale wenŋmazuk lak ate wusum peeluk a yaa jam za du. Ba jam a wi waai ale jam do bu la ayen ka, <<Wensie Nyɔnɔ.>> Wa yuei mɛ jam ale, <<Waai ale ta Siaka la.>> Daa meena wa kasim jam a cheŋ ka kpaliŋ po, ale a bo wa dachaasaŋa buusa ŋaai ale jam magsi wa boka la.

Wa ninaŋa a jam muni ase ka bolim la. Wa mɛ jam vuk ka zutɔk boari. Ba jam ŋmarisi ka yuei dii ate nuru a jam zɛ di kiri la a dueni wa nyiŋ. Wadek wa nyiini ale jam seba yuenni kiri. Wa jam jo ka kasaauk ate ziim a jam muni ku meena. Wa yuei jam ale <<Wen Wanni.>>

Waai ale do wusum peelukku la a jam ta ka gebik ate ka ta noa ŋaye a yaa jam nyini wa nɔi po a nyini. Wa jam weeni ayen wa le pai kama a nye kpaliŋ ale tɛŋzuk nuruma a nak ba dɛ. Wa le soa ba ale pagrim nalimnyiini abe wa ŋmiak yɔnaŋa daamu. Dula jigini ale a sak Wen suipuurumu.

Wenŋmazuk tugurik tɔŋdɔma a yaa jam nak yiak tɛŋzuk nuruma tugurik tɔŋdɔma ale ge yaa yik duŋ kperikaliika ale venta biisiteerɔwa. Biisiteerɔwa de a kasim jam a nye ka wakperikaliisa duŋ kperikaliika niŋ ayen ka paasi nuru baai ate duŋ kperikaliika a jam ŋmarisi ba nyiŋ ayen ba jam a kaab ka bɔglukku la. Wenŋmazuk tugurik tɔŋdɔma a yaa yik duŋ kperikaliika ale biisiteerɔwa a ta cheŋ ga yuk basi nyakpiemu po, juijui ate bolimu a kasim a dɛ la.