Popular Bible Verses from Wamagsima 3

Share

Ta sebchakka ale Naawen ale fi suinum meena, abe fi kan ta sebchakka ale fidek miŋka. Gisi wa yaalika dii meena ate fi a nye la po, ate wa dak fi suitaŋa a sak fu.

Kan poli ayen fi seba kama, a chali Naawen, abe fi cheem ŋaaŋ a te biem.

Te Naawen zula ale fi nitalimu ale fi ŋankpaanta baai meena ate fi dɛ niŋ a che la. Ate wa ale sueri fi booŋa ale ŋan bie, abe da maŋ a sueri fi samɔnsaŋa a nyini.

Kan te wensie ale jiirim a basi fu. Pai ŋa a su ase ŋiri baŋ la ŋmarisiŋa a nyo fi suinummu po.

M nidoabili yaa, kan zɛri Naawen waalika yaase fi sui kaasi wa le a toariŋ fu la nyiŋŋa, ale Naawen a sak ka waai ate wa a yaali la, ase ko ale a sak biik kaai ate wa a yaali la.

M biiga kan baŋ mi ale sak fu diila. Pai m sinsaŋŋa a nyo fi suinum po. Fi dan nye dila, fi ale boro a paari bena nna yegayega, ate fi ale boro ale masim.

Suipeentik a bo ale ka waai ale a nya yam la ale waai ale a nya miŋka la jigi. Yam nyuenta a gaam kpana kama, ate bu tutunaŋa a gaam ligmɔniŋ. Yam a nye tuilum kama a gaam tintain mɔnuŋ, ate jabuui ate fi a yaali la a kan magsi chaab ale di.

Kan peri nalim a nyini baai ale magsi bu la, ase fi nin ta a maari ba.

Naawen a pai ka yam a nya tɛŋka, ka yam miŋ chakka nyiŋ ate wa nye wenŋmazukku.