Popular Bible Verses from Wamagsima 15

Share

Baliyaa tulisika a yiak ka suipuurum a basi, alege cheti basika a siti ka sue.

Naawen yɔgsum chalika a sak ka yam, ate zaab m dek mɛ a de zula niŋ.

Wa baasima ka nyuvuri tiib, alege pimpaasima a ko ka chiik.

Wie a kan tom a magsi ka sakka ale kan boro la nyiŋ. Sagrɔba yegayega a nye kama ate wie a nye a niak.

Laata a bo waai sui ale peenti la jigi kama, alege suinum buui ale a dɛ niniga la a kaasi ka chiik.

Naawen a nya jigi meena, wa a nya gaasa ale nuru maŋsaŋa meena kama.

Fi dan ta maga ale a chali Naawen yɔgsum a zunchoŋŋa jigsika ale butimka.

Nuru waai sui ale kpabi a puuri la a nye ka kpaliŋ, alege waai ale a yik wa suinni la a kpimsi ka kama.

Wayɔrisima nyɔnɔ suinummu a poli ka wa ale wa tulisi diila, alege gaasa nyɔnɔwa nɔi a biisi ka wakaasima.