Popular Bible Verses from Azaya 9

Share

Biik ate ba biak a te ti, nidoabili ate ba pai a te ti, ate pagrimu a bo wa ŋmankpalaŋa zuk. Ate ba a wi wa ayen, Sagrɔ Kperikaliik ale Wen Tanjaŋini ale Taam Wuu Koa ale Suiyɔgni Nabiik.

Nuru baai ale a cheŋ legi po la a nya ka bolim kpiem. Baai mɛ ale bo legi kpien po la, bolim a nyaksi ba jigi.

Wa pagrimu ale wa suiyɔgni zuaka a kan ta kpeglimka. Wa ale kali Deevid naamu zukpaglika zuk. Wa ale basi ate wa naamu a zaani abe wa ta wensie ale nyemagsika a nyini dila po a kasim a cheŋ. Naawen Dii Ale A Dɛ Tugurik Tɔŋdɔma Niŋ La mariŋka ale basi ate kude a nye.

Tugurik tɔŋdɔ meena nuensa ate ba su nye kpaliŋka la ale garuk meena ale lusi ziimu po la a magsi ka pai juka, ba chimka kpaam a magsi bolim.

Alege daanika a kan ŋman bo baai ale a nam la jigi ya. Dila powa wa jam basi kama ate Zebulun ale Nafitali tɛŋsaŋa a siŋ tɛŋ, alege wa ale nye ate zula a jam Galili baai ale kan daa Juuba la tɛŋka ale bo nyakpiemu suiku nɔi ale Jodan benni la.

Naawen ya, fi nye ate tɛŋka a lagri ale ŋman te ba masim a gum ba masimu po. Ba a dɛ masim fi niŋ ase nuruba nyiem ale che ba ŋankpaanta ate ba sue a peenti diila. Ba a dɛ masim ase ka nuruba nyiem ale lab ŋan baai ate ba kɔlim la.

Midian nak yikka danni fi kaasi niiga diok kuui ale chim jibta a te ba la kama ale diok kuui ale bari vi ba ŋmankpalaŋa zuk la ale baai ale a namsi ba la doani.