Popular Bible Verses from Azaya 60

Share

<<Yiti, a nyaksi ale fi bolimu a jam kama ate Naawen zulaŋa a yiti bo fi zuk.

Tɛŋ kpieŋsa ale jam fi bolimu jigi, ate nalima ale nya fi saluiku nyaksika a jam.

Nya, legi ale lik tɛŋzuk de, ate leg kpienni a bo nuruma zuk, alege Naawen a yiti bo fi zuk, ate wa zulaŋa a jam fi zuk.

Baai ale fiisa ni po la ale chim tusidi, ate baai ale pɔsima la ale chim tɛŋ kpieŋ. Ka Mi ale Naawen. Ku danni po m le nye kude nwuli.

Wenbinni a kan ŋman chim ni bolim kantueŋ po, yaase chiika nyaksika a bo ni zuwa, diila Naawen ale chim ka ni taam wuu bolim, abe ni Wenni a chim ni zula.

Ni wenbinni a kan siŋ nya, ni chiika a kan ŋman bugi. Naawen ale chim ni taam wuu bolim, ate ni niniga daaŋa ale kpeglim.

Ate fi ale zak nya ate fi ale nyaksi, ate fi suinummu ale nya masim. Nyakpientaŋa jigsika ba ale ta jam a te fu. Tɛŋ kpieŋsaŋa jigsika ale jam fi jigi.

<<Lak fi ninaŋa a nya gilim fidek. Ba meena a tigsi kama a jam fi jigi. Fi nidoabilisaŋa a nyini ka niŋniŋ, ate ba pai fi liema ale nisima.

Ate ni nuruma meena ale chim wayɔrisima nyam, ate ba ale jam soa tɛŋka taam wuu. Bala ale ŋanbulaŋa ate mi a vuk, ba ka mi nisima tuima, diila ba a sakka m nalimu.

Ba kan ŋman wom wɔkwɔk ni tɛŋka po, yaase kaasuŋ mɛ la a bo ni banaŋa po, alege ni ale wi ni parisaŋa ayen Varibasika abe ni wi ni nansuiŋtaŋa ayen Pimpauk.

Fi nansuiŋtaŋa ale kasim a lak za, ba kan lik ti kantueŋ yaase yowa, ate nuru a baga a ta tɛŋsaŋa paaruŋku a jam te fu, ate ba nalimaŋa ale tom chaab ale nak dɛka.

Laalaakomi boari ale taari lik fi tɛŋka, Midian ale Efa laalaakomi paalisa. Ate baai meena ale bo Siiba jam a ta ligmɔniŋ ale ŋan baai nyum ale masa la a jam a mooli Naawen pimpaukku.

<<Nicham ale ŋman sɛ fi parisaŋa, ate ba nalimaŋa ale tom a te fu. Ku jam va ka suipuurum nyiŋ ate m nak fu, m ŋmanteka nyiŋ m le sak jiirim ale fu.

<<Ba zɛri fu kama ale ŋman kisi fu ate waai a kan va fi tɛŋka po a taamu. M le nye ate fi kanjantaŋa a boro taam wuu, abe masim a boro a te gaŋsa meena.

Fi le nyu tɛŋ kpieŋsa biisim, abe fi ŋoosi naab yeri po. Ate fi yaa le seba ayen mi Naawen m ka fi Varibasidɔ ale fi Da Tuesirɔ Waai Ale Ka Jekob Pagrim Nyɔnɔwa La.