Popular Bible Verses from Azaya 54

Share

Kpaliŋ jabuui ale a tu chaab ale fi la a kan baga nye fu wari ya, ate fi ale zɛri waai ale biisi a ŋma fu la. Naawen tomteerɔma nitalim ale la. Maarika de ate ba nya a nyini mi jigi,>> Ka Naawen ale weeni.

Guutaŋa a dan poom a choa ate pinaŋa a voori, mi ŋmanteka a kan choa yaase m suiyɔgni nɔiyeŋka a yeeri,>> Ka Naawen dii ale ta jiirim ale fu la ale weeni.

<<Kan chali yɔgsummoa. Chivie a kan yik fu. Kanpiinta a kan yik fu, fi a kan chim ja valiŋŋa. Fi ale baŋ fi paalimu po chivieŋa, fi kan ŋman teeri fi pukɔgini po niniŋŋa.

Diila fi Nyeerɔwa ale fi chorɔ. Wa yuenni ale Naawen Dii Ale A Dɛ Tugurik Tɔŋdɔma Niŋ la, Waai Ale Welema Izirali po la ale fi Da Tuesirɔwa. Ba a wi wa ayen ka tɛŋzuk de meena Wen.

<<Nye ate fi viuku jigini a zuak, nye ate fi viuku garuk palaŋa a lagri, kan yik a ta ga ŋaaŋŋa. Nye ate fi miisaŋa a wɔŋa, abe fi nye ate fi kpaasaŋa a pagra.

Naawen ale sak fi nidoabilisaŋa meena, ate fi bisaŋa suiyɔgni ale zuak nna yegayega.

Suipuurum nyiŋ ate mi jam suk m nimbidiaka a nyini fi jigi maga dega, alege ŋmanteka nyiŋ, m le ta jiirim ale fu,>> Ka Naawen fi Da Tuesirɔwa ale weeni.

<<Ku an beni ya ate mi a banti fu basi, alege jiirim nyiŋ m le ŋman ta fu a jam.

<<Mi jigi kude a nye ase ka Nowa daaŋa po la, ase mi ale jam pɛ ayen Nowa nyaataŋa a kan lik tɛŋzuk de ŋmana la. Dila yɔgyɔgla de mi pɛ kama ayen m sui a kan ŋman puuri ale fu, m be kan ŋman toariŋ fu diipo.

M le pai tintain munta a nye voana a basi fi parisaŋa ŋmazuk abe chɔrima a bo fi tuataŋa noa, abe m pai tintain ŋaai ale ta dobrim la a taari fi parisaŋa meena.