Popular Bible Verses from Azaya 51

Share

<<Ka mi, poom ka mi ale waai ale a yɔk fi sui. Fi ka wana a chali nuru waai ale kaa boro taam wuu, ate wa chim nuru biiga, wa daa jaaboa alege wa ka wuuk

Mi pai m wieŋa a nyo ka fi nɔnni po ale pai m nisa yisuŋku a lik fu. Mi waai ale nye ate wenzukku a boro ale dueni tɛŋka nyubaŋa ale waai ale weeni Zayon ayen, <Ni ka mi nuruba la.> >>

<<Nama baai ale seba dii ale nala la, ni wom mi ale nama nuru baai ale ta m sinsaga ni suiniima po la. Ni kaa chali nuruba toariŋka yaase ni yɔgsa ale ba lieta.

Naawen ale nye ate Zayon sui a yɔk, abe wa pai wa jiirimu a nya wa jigi kaasuŋku meena zuk. Wa ale nye ate wa gɔnni a nye ase Eden la, ate wa tɛŋ koruta a nye nna se Naawen kaduk la. Masim ale suipeentik ale bo ale wa ale jiam teka ale yiila lennika.

Naawen ale da tuesi baai a basi la ale ŋman pilim jam. Ba ale jo Zayon ale yiila lennika. Taam wuu masim ale chim naam zutɔk ba zuimaŋa zuk. Suipeentik ale masim ale paari ba ate sui kaasuŋ ale niniga ale cheŋ.