Popular Bible Verses from Azaya 43

Share

Nya, m boro a nye ka wapaali. Yɔgyɔgla ku boro a yiti kama. Nama a poli a miŋ ku? M boro a nye ka suik gɔnni po ale beli naŋsa tɛŋ koroku po.

Fi dan va nyaataŋa po. M le bo ale fu. Fi abe daa va belaŋa po ŋa kan ji fu a ta cheŋ. Fi dan poom va bolim po, bu kan dɛ fu. Bolim ŋiaka a kan baga a chɔgsi fu.

<<Ni baŋ wakpagsaŋa. Ni kan kali wie ŋaai ale nye taam la ŋaaŋŋa.

Alege yɔgyɔgla de, Naawen ale weeni diila ale nna. Wa waai ale nye fi Jekob la. Wa waai ale nye fi Izirali la ayen, <<Kan chali yɔgsummoa, diila m da tuesi fu a basi kama. Mi ale wi fi yuenni. Ka mi ale soa fu.

Ni ale toalim ta dobrim ale zula mi nina po la, mi ale a yaali ni la nyiŋ, m le pai nidoaba a tagri ni, abe m pai nuruba a tagri ni nyuvooŋa.

Dii nyiŋla Mi ale Naawen fi Wenni, Waai ale Welema Izirali po la, fi varibasidɔwa. M pai Ejipiti a te ka fi varibasika nyiŋ ale pai Kus ale Sɛba a tagri fu.

Ni kan chali yɔgsummoa, diila m bo ale ni kama. M le ta ni bisaŋa a nyini konni po, abe m tigsi ni a nyini yeniŋka.

<<Mi, poom ka mi waai ale duisi fi kaasuŋku a basi m dek nyiŋla, m kan ŋman teeri fi wabaataŋa diipo meena.

Naawen a weeni kama ayen, <<Nama ka mi seerɔba ale m tomteerɔba, ayen ni seba abe ni ta siaka ale mi, abe ni miŋ ku kiri ayen ka mi ale wala. Wen a karo a bo mi niŋŋa yaase di choa mɛ la ale bo mi ŋaaŋŋa.

Mi, poom ka Mi ale Naawen, mi tɔga varibasidɔ wa choa a ŋman karo a gum mi po.

Mm, a nyini ŋiaka mi ale la. Waai karo a baga a vari a nyini mi nisa po. M dan nye wari, ka wana ale baga a yik di a labri?>>

Duŋ waarisa ale gɔi baasa ale viuta a zuli mi kama, dii nyiŋla m basi ate ka nyiam a bo gɔnni po, ale benaŋsa a bo tɛŋ koroku po, a te m nuruma ale baai ate m lueri la nyiam. Nuru baai ate mi a nye ba a te m dek la, ayen ba weeni m pimpaukku.

M le weeni wiilukku ayen, <Pai ba a te.> Abe weeni yeseoku ayen, <Kan peri a tara.> Ta m nidoabilisaŋa ale bo niŋ la ale m liema ale bo tɛŋka kpeglimka la a jam. Baai meena ale a wi mi yuenni la, baai ate m nye ba a magsi m zulaŋa la, baai ate m gomsi ale nye ba la.>>

Naawen ale weeni diila ale nna. Wa waai ale jam nye suik nyakpiemu po ale suik nyapagrisaŋa po la. Wala ale waai ale jam yiak wusuma ale ŋa torokoba ale tugurik tommu ale maarɔba a gum ba po ate ba lɔ dula, an ŋman yiti ya ase zeuŋ bolim ale kpi la.

Mi ale Naawen, fi Waai ale Welema la, Izirali Nyeerɔwa, fi Naawa.>>