Popular Bible Verses from Azaya 25

Share

Naawen yaa, fi ale mi Wen. M le zak fu zaani abe m pak fi yuenni, dii nyiŋla fi va ka wensie maŋsa po a tom tuim kpien ŋaai ate fi gomsi ŋa a nyini dipo la.

Wa ale nɛ kum ate bu a kan ŋman boro. Nyɔnɔwa Naawen ale duisi waai meena ninyaata a basi. Wa ale yeeri wa nuruma ale bo tɛŋka zuk la chivieŋa a basi. Ka Naawen ale biisi dila.

Da dila danni ba ale weeni ayen, <Wensie ti Wenni ale la. Ti mariŋ wa kama ate wa vari ti a basi. Naawen ale nna, ti mariŋ wa kama. Ni basi ate ti dɛ masim abe ti sue a peenti ale wa varibasika.>>

Guuku de zuk ate wa ale kaasi jabuui ale a lik nuruba meena la, garuk kuui ale a lik tɛŋsaŋa meena la.

Guuku de zuk ate Naawen Dii Ale A Dɛ Tugurik Tɔŋdɔma Niŋ La a gomsi ŋan dii maŋsa tigi a te nuru meena, ale daam tigi a magsi baai ale pak la, lam maŋsa ale da maŋsa tigi.