Popular Bible Verses from Azaya 11

Share

Naawen Chiika ale bo wa zuk. Chiik kaai ale a te yam ale miŋka ale sinsaga ale pagrim ale sebika ale Naawen yɔgsum chalika. Wa ale mariŋ Naawen yɔgsum chala. Wa kan bo buusa a va dii ate wa nya ale wa nina la, yaase dii ate wa wom ale wa tue la.

Naŋ buli ale pusi nyini Jese kinni po. A nyini wa tɛŋ naŋsaŋa po Naŋ ale yɔn yɔna.

Alege a ta nyini wayɔrisima po wa ale bo baai ale a silim ŋanta la buusa ale nyemagsika wa ale poli a magsi te tɛŋka ŋanjaksa. Wa ale pai wa nɔnni po tachekka a nak tɛŋka. Wa ale pai wa nɔngbanvaataŋa vuusumu a ko gaasa nyama.

Wayɔrisima ale chim wa chiak gbain ate wensie a chim wa garuk pali a gilim wa chiaka.

Ba a kan nye biemmoa yaase ba kaasi mi tuilum guuku zuwa, dii nyiŋla tɛŋka ale sueri ale ka Naawen sebika ase nyaata ale lik nyakpiemu diila.

Piuk ale posuk ale bo ale chaab, ate yɔŋni ale buuk ale duak jigi yeŋ ale chaab, ate naabiik ale gbeŋli ale duŋsaŋa bisa ale bo ale chaab. Ate bi fiik ale nya ŋa zuk.

Dai dila danni Jese Ŋaaŋbiik ale zaani ase ka tikti a te nuruma, ate tɛŋsaŋa ale tigsi a jam wa jigi, ate wa vuusika jigini ale ta ka zula nna yegayega.