Popular Bible Verses from Yiburu 4

Share

Dila Wen wanni a vua kama ale a tom mɛ. Di ta nɔi kama a gaam gebik noa ŋaye, di gebi kama a jo a paari a poori chiika ale kunaŋa ale kobaŋa kpaamu, di a bo ka popolaŋa ale suinummu nyeelaŋa buusa.

Dila nyiŋla, ni basi ate ti forisi paari Wen dek abe ti seba chak ayen wa ŋmanteka nyiŋ wa le tuesi ti, ate wa ta jiirim ale ti a maari ti wa ŋmanteka nyiŋ diipo meena wuu ate ti a yaali maarika la.

Ti kaabteerɔ kpioŋku de abe daa waai ale kan ta jiirim ale ti wobsimu la. Wa ka Waai dek abe ale nya nyenyaka wie meena po ase tama mɛ ale a nya nyenyaka diila, alege wa an nye wabiowa.

Jaab ka tɛŋzuk de a baga a suk Wen jigiya. Jaab meena ate wa nye la, wa a nya ba kama. Ba an sugiya. Be ka wala jigi ate ku a fɛ ayen dai yeŋ waai meena weeni sak wa dii ale dii meena ate wa tom tɛŋzuk de la.

Ku be dan ka dila, ni be basi ate ti ŋmasi yik nalimnyiini ti ale a weeni ayen ti ta siaka ale diila. Ti baga a nye dila kama dii nyiŋla, ti ta ka kaabteerɔ kpioŋ. Wa bo ka wenŋmazuk Wen jigi. Kaabteerɔ kpioŋku de ka Wen Nidoabinni Yeezu.

Ni be basi ate ti pii nyiŋ ate ti nya vuusum bula ate ti wanyi mɛ la kan zɛri Wen nɔi ase ti kokpieŋsaŋa ale jam zɛri wa nɔi dii a yaa kpi la.