Popular Bible Verses from Nyinika 20

Share

<<Mi ale Naawen dii ale ka ni Wen la, waai ale ta ni nyini Ejipiti a nyini yɔntidi tɛŋka po a nyini la. <<Kan ta wen yona a gum mi po.

<<Kan nye bɔgluk ate ku a neesi jaab wenŋmazuk yaase tɛŋzuk yaase nyiam po a te fi dega. Kan koori tɛŋ a zuli ba yaase fi puusi ba, diila mi Naawen dii ale ka fi Wen la, ka nyuri Wen, a namsi bimbaansa ba koba biem nyiŋ a ta ga paari ba gaŋ sii ale a saari buta ale bunaansi la baai ale kisi mi la.

<<A zuli fi ko ale fi ma ate fi goa tɛŋ kaai ate Naawen dii ale ka fi Wen la a pai a te fi la a benni.

<<Kpesi Vuusum Danni abe fi basi ate di ta tuilum.

<<Kan wi Naawen dii ale ka fi Wen la yuenni kinla, diila Naawen a kan basi waai ale a wi Wa yuenni kinla la.

Daa ŋayuebi pai tom fi tuimaŋa meena, alege daa ŋayopɔiwa danni ka Vuusum dai a te Naawen dii ale ka fi Wen la. Dai dila danni kan tom tuin yoŋŋoa. Fi dek kan tom yaase fi nidoabili yaase fi lie yaase tomteerɔ yaase dɔklie yaase niiga yaase nichaanɔ ale bo ale fu la.

<<Kan ta kɔrisa ale fi vaanchoa yeri ya. Kan ta kɔrisa ale fi vaanchoa powa yaase wa tomteerɔ yaase wa dɔklie ale wa naab yaase wa boniŋa yaase jabuui ate fi vaanchoa a soa la.>>

<<Kan chim venta seerɔ a velim te fi vaanchoa.

<<Kan nye kaboŋŋa.

<<Kan ko nuru.

<<Kan zu.