Popular Bible Verses from Sagrɔ 4

Share

Nuruba baye a zunchoŋ wanyi kama, dii nyiŋla ba ale nya ka yega ba le a tom ale chaab la nyiŋ. Wanyi a dan lo tɛŋ, wa doawa ale maari wa ate wa yiti. Alege ta niniga ale waai ale lo ale ka nuru ate wa a maari wa ate wa a yiti la.

Ba le baga a nya pagrim wanyi zuk, alege nuruba baye a baga a zɛri badek nyiŋ kama. Miisa sita a dan mɛliŋ chaab si gebika toa kama.

Baye a dan doa ale chaab ba nyiŋsa a toliŋ kama. Alege nuru yeŋ nyiŋ ale nye ka sɛ a toliŋŋi?

Ku zunchoŋ ate fi nina a sueri ale magadekka ate fi ta la. Kan daa di fi le kasim a nam kama fi nya yega, dila abe a nye ase ka fi le chali a vi viok diila.

Ate mi yaa nya ninam ale dii meena ate nuru a nye la ka wa ninŋmaarima ale wa vaanchoa la nyiŋ. Kude mɛ a ka kiri ya, ku a nye ase ka fi le chali a vi viok diila.

Bi kaai ale jaŋ ale ta yam la a zunchoŋ naab waai ale pak ale kan wom sinsaga la kama.