Popular Bible Verses from Teerika 30

Share

<<Jinla mi a wi ka wenŋmazuk ale tɛŋ ate ba chim mi seerɔba ayen ni lueri nyuvuri ale niaka yaase kum ale kikaasa. Yɔgyɔgla de ni be lueri nyuvuri dii ale ku basi ate nama ale ni bisaŋa a vua. Yaali Naawen dii ale ka ni Wen la, wom wa lueluku abe ni va wa nalimnyiini. Ale ka wa ale ni nyuvunni, wala ale wa te ni bena piisi tɛŋka ate Naawen puulim ayen wa le te ni koma, Abrayam ale Aizik ale Jekob la.>>

M weeni ni kama jinla de ayen ni a yaali Naawen dii ale ka ni Wen la abe ni a cheŋ wa suiku po abe ni ta wa wieŋa ale wa ŋmarisika ale wa buusaŋa ate ni boro abe ni piisi mɛ, ate Naawen dii ale ka ni Wen la ale niak ni tɛŋ kaai ate ni a jo ni tuesi la po.

<<Ni nya jinla de m te ni ka nyuvuri ale niaka, kum ale kaasuŋ

Aaya, wanni a moata ni kama, a bo ni noa po ale ni suiniima po. Dila nyiŋla ku a magsi kama ayen ni va ŋa.

Naawen dii ale ka ni Wen la, dek ale te ni ale ni ŋaaŋbisaŋa suiniima ŋaai ate ni a zuli, dii ale ku basi ate ni a yaali Naawen ale ni suiniima meena ale ni chiisa meena ate ni boro.

Naawen dii ale ka ni Wen la ale niak ni wa dii meena ate ni a nye la po. Ni bisaŋa ale piisi abe wa niak ni duŋsaŋa mɛ. Ni tattaŋa ale nye ŋandiinta nalimnyiini. Naawen sui ale peenti ate wa basi ate ni jigsi ase wa le jam a basi ate ni koma a jigsi diila.

<<Alege ni dan tagri ni popolaŋa a zɛri ale nye tukpari nyeka, alege cheŋ a ga boro a koori tɛŋ a zuli bɔgluk yoŋta. Mi a weeni kama jinla de m le kaasi ni. Ni kan bo tɛŋ kaai ate ni lo le Jodan benni a jueli ayen ni tuesi la po a beni.

<<Wie ŋaai ate mi a te ni jinla de la vaka an toa yaase ŋa pagra a gaam vaka.

Ŋa an bo daa chiŋmaaŋa po ate ni bek ayen, <Ka wana ale wa jueli a ta ŋa a jam ate ti wom abe ti va ŋa?>

Yaa ŋa boka nyakpiemu kauk kunkula ate ti bek ayen ka wana ale wa lo beni a jueli a mooli a sak ti ate ti va ŋa?