Popular Bible Verses from Teerika 11

Share

Ni pai ŋa a sak ni bisaŋa, Ni a biisi ŋa wie ase ni nin diem bo yeri, yaase ni nin bo suik po a cheŋ yaase ni nin doa tɛŋ yaase ni nin yiti goom po.

Ni pai mi wieŋa de a nyo ni suiniimaŋa ale ni popolaŋa po, abe ni bobaŋa a maŋ ni nisaŋa nyiŋ, abe ni pai ŋa a bobi maŋ ni deeŋa nyiŋ.

Ni dan chiib va wa sinsaŋŋa ate mi a te ni jinla de la ale a yaali Naawen dii ale ka ni Wen la abe ni a va wa ale ni suiniima meena ale ni chiisa meena, wa le basi ate ŋmoruk ale ni ni tɛŋka po wenkarik ale yoei meena ate nama ale nya ŋandiinta ale damasik ale kpaam.

Yaali Naawen dii ale ka ni Wen la abe ni ta wa ale a yaali diila, ale wa ŋmarisika ale wa buusaŋa ale wa wieŋa diipo meena.

Ni nya de jinla m pai ka niaka ale kikaasa a dueni ni niŋ. Nama ale nya niaka ase nama a nin va Naawen dii ale ka ni Wen la sinsaŋŋa ate mi a pai a te ni jinla dela; Nama abe le nya kikaasa ase nama a nin zɛri Naawen dii ale ka ni Wen la sinsaŋŋa ate mi a weeni ayen ni kan ŋmani va bɔgluk yonta tii ate nama a poom zɛ la.

Ni ŋmarisiŋa nyo ni yeeŋa tuataŋa nyiŋ ale ni nansuiŋtaŋa meena nyiŋ. Dii ale ku basi ate nama ale ni bisaŋa daaŋa a piisi tɛŋ kaai po ate Naawen pɛ ale ni kokpieŋsaŋa ayen wa pai a te ba la. Ni ale kasim boro ka dila ase diipo meena ate ni zak zuk a nya ale chiŋmaaŋa a diem boro la.

Ni be kpesi nidek ate ni kan basi Naawen abe le va bɔgluk yonta a koori tɛŋ a zuli ti.