Popular Bible Verses from 2 Korinti 6

Share

Nama ale baai ale kan ta siaka ale Naawen la, ni kan a tigsi chaab a tom tuima ale ba. Tuimbaata ale tuimaŋsa kan gum chaaba. Legi ale kantueŋ mɛ a kan gum chaaba.

Tama ka Wen dii ale boro la yeri. Ti be dan ka dila, tama ale bɔgta ale nye ka sɛ boro ale chaaba? Ase Wen ale weeni ayen, <<Mi ale m nuruma ale boro ka dila a ta a cheŋ, ale ge ate m chim ba Naawen ate ba mɛ a chim m nuruba.>> (Kaabka 26:12)

Naawen be ŋman weeni ayen, <<Ni poori nidek a ta nyini baai ale a kaab bɔgta la po, ate ni kan maa tiri ba ŋanta. Ni daa nye dila, mi dek ale tuesi ni. (Azaya 52:11) M le chim ni ko, ale ge ate nama mɛ chim m bisa. Mi, Naawen, waai ale soa ŋanta meena pagrim la, ale a weeni nna.>>

Kirisita ale Belial a baga a nye nɔiyeŋŋa? Nuru baai ale ta siaka ale Wen la, ale nuru baai ale kan ta siaka ale wa la, a baga a nye nɔiyeŋŋa?