Popular Bible Verses from 2 Korinti 5

Share

Nuruba a dan tagri ba popola a va Kirisita, Wen a tagri ba popolaŋa kama ale ge a nye ba ate ba chim nuru paalisa. Ba popola kpagsaŋa a ŋman karo diipo, diipo.

Wen a nye kama ayen waai ale kan seba biem la a chim biem tama nyiŋ, ate wa nyiŋ ti baga a chim Wen wayɔrisimaŋa.

Ti boro ka siaka nyiŋ alege daa ti ale a nya diila nyiŋŋa.

Wen nye wieŋa de meena a te ka tama. Kirisita kummu nyiŋ ale soa ate Wen a ŋman a yaali ayen wa nye nɔiyeŋ ale tama. Wen ŋman a yaali kama ayen ti a weeni wa wie a sak nuruba, ate wa ale bala mɛ a ŋman nye nɔiyeŋ. Kirisita kummu nyiŋ ale soa ate Wen a nya suik a basi ayen wa ale nuru meena a ŋman nye nɔiyeŋ, ate wa kan ŋman a teeri ba tuimbaataŋa. Wa wamaŋsaŋa de ate wa pai a nyo tama nisima po ayen ti a sak nuruba.

Kirisita ale tom tama ni jigi, ayen Wen baga a biisi wie a sak ni. Ti a saalim ni kama Kirisita nyiŋ, ayen nama ale Wen a nye nɔiyeŋ a nueri.

Wa kpi ka dila, ayen baai ale ta wa nyuvuri dii ale kan ta kpeglimka la a kan ŋman va badek yaalika, alege ba le va ka waai ale kpi ale ge yiti kum po bala nyiŋla. Dila ale soa ate tama an ŋman a bo nuruba buusa a se tɛŋzuk nuruma la. Ti jam a bo Kirisita buusa ka dila, alege yɔgyɔgla de, ti an ŋman a bo wa buusa.

Kirisita mariŋ ti ka nna yegayega. Tama seba ayen wa zaani ka nuru meena naŋkula po a kpi ba nyiŋ. Wa le mariŋ ti dila la nyiŋ, ale soa ate ti nina muni ale wa tuimaŋa tomka.