Popular Bible Verses from 1 Timoti 4

Share

Basi ate fi boka po ale fi biik po, ale fi tuim naliŋsa po ale fi yaalika ale fi siaka ale fi weleŋsa, a sak Yeezu ŋaaŋviirɔma ba le ba nye dii a va Wen la. Fi diem ka bi paaluk alege fi daa nye dila nuru kan nya suik a pai fi chim biiga.

Fi dan pai fi nyiŋka a tom tuima ayen ka pagra, dila ale nala, alege Wen wanni a dan bo fi suinum po dila a gaam taam ka yegayega, dii nyiŋla, fi le nya nyuenta yɔgyɔgla ale chum diipo.

Kpesi fidek fi boka jigi ale fi ale a sak nuruma diila. Fi dan va wieŋa de nalimnyiini, dai yeŋ Wen le jam vari fidek ale baai ale wom fi nɔi la tuimbaata po a basi.

Wen Chiika a nyini ka peelim a weeni ayen chum diipo, nuruba ale basi ba siaka, abe ba wom chichirisa venta wie abe ba va chichirik baata sinsaga.

Kan gum chaab ale baai ale a sak sunsuelima ŋaai ale kan magsi chaab ale Wen ate ba pai a sak nuruba la. Ba sunsuelimaŋa ka sunsuelim kayaata. Pii nyiŋ fidek a zamsi Wen wensie sinsaŋŋa ate ŋa bo fi suinum po ate fi boka a nye ase Wen la.

Basi ate fi nina muni ate fi a karim Wen gbaŋka ate waai meena a wom. Saalim ba ate ba va Wen suiku. Pai ka mɛ a sak nuruma Wen wie ate m jam.