Popular Bible Verses from 1 Samuel 8

Share

Alege Naawen yaa weeni wa ayen, <<Nye nuruma ale a yaali diila. Lueri naab a te ba. Fi a poli ayen ba zɛri ka fi, ka mi ate ba zɛri.

A zaani diipo ate mi ta ba nyini Ejipiti tɛŋka po nyini la, ba kasim a zɛri mi kama alege a va wena. Dila dek ate ba a nye fi mɛ.

Ba yaa weeni wa ayen, <<Yɔgyɔgla de fi kpaŋ kama alege fi bisaŋa a kan va fi nyeka, dila nyiŋ lueri naab ate wa a nya ti zuk ate tama mɛ ta naab ase tɛŋ yonsa la.>> Samuel ale wom ayen ba a yaali naab la wa sui an peenti ya. Wa yaa puusi te Naawen ayen wa sak wa.

Alege nuruma a zɛri ba an wom Samuel. Ayen, <<Aaya, ti a yaali ka naab.