Popular Bible Verses from Gokhini 6

Share

Mu kî, yen nyàm à kwaŋ yìlè yi ndyaŋte mô kə ni. Yet yi wùt we a wu ndùku nyiŋa a tô àtɨ̂n mô yi Kpû. À mô yâ Lak yi ghɨt a kpona jûmtè wûn. Ghɨ fo jyaka na mwə̀ mu munâ jyati chyə bâh wù kìk, ma lyi bâh à mòk ma ywiti ghɨt ghe a ghɨ mô atɨ̂n. Ghɨ ywiti ghɨt atɨ̂na nì fâ yi gbɨ̀liŋi. Ghɨta kputî kum jɨŋ yì be nì yaftu kana tu. Nyamsu be se a su mô a chyə̂ ywiti ghɨt ale.

Mu shihi kî, yen nyàm à kwaŋ yì fufana yìlè, wùt mô a tô atɨ̂n kəta fù chyâk. Ghɨ fo a fot a tu fə̀nù ha wûn, wu nyɨŋ fwu te wut a wù yusa tuma woŋi, yə kə yi yə̂, mô hi fè hi tum hi yə̂.

Wâ Njyə̀ we bəh a le ale na wu hi mô wù tân, kə wu yu, mu yen yohnù ghɨt ghe a ghɨ tì ywite njwo ghɨna ndùku fôktè gha yi Fùyèn fê mô te sù bɨ̀n à sak kum gha Fùyènì. Wu ndùku mô yi sah à baŋ a yi fo.

Yohnà tɨnu bwat nâ nì jyə̀ yì tâ na, “Bâba, wò kəta kə jyak à jɨ̀m, yulê, fê jîsà kə hamok! Wò nè mô tânà yàni shyəma wò sak ghɨt ghɨ̂n a chyə̂, hi fo ngə̂k ha ghɨna te ghɨna tì boŋa ywiti ghàh agha?” Ghɨ fo njusu fufasu na yohnù tɨnu mak jis na, wu motè kə fùjiti hi tàn shyəma ghɨt atɨ̂na nê ywiti mihi wana ne ghɨna ghe a ghɨna ndùku mô hi ywitî, ma kwok à kpên.

Nyàm à kwaŋ yìlè fî fwû, bâŋà kə ni. Ghɨ fo jyaka ha wùt we wù ndùku mô a tô àtɨ̂n, fî fo yi fâ yi gbɨ̀liŋi, yi dâfà kə ni, na wù lohi woŋi a mbyî, ma ghɨta hi ywite wana ne.

Yi mô kə nâ hamok na tuk wu chiku we a ghɨna chwùtè lâ wu baŋanu atɨ̂n ti kpên, nâ wùt wù mòk bu hi têt.”

Wâ Njyə̀ we hì bəhà bê nì le ale ni na wu nê hi mô tufa nâbi yini, mu yen kùn yì bəmana te yì sena, fî yen te yuchwî kaha hì fina kə te fùchî, njoŋ kahi hì bâŋà ni te mu luŋ, njènû hì chemle a chyə̂ kə ni te tamu fikù a wu yata mbɨ̀ŋ teka wu baŋ, a wu yu afa fufa ta shìkà.

À ndùku mô te wù fe bəha a le na wu hi mô wù tât, mu fî yu te shyə a yohna ale fè jîsà kə na, “Fwu bî!” Mu yen nyàm à kwaŋ yì finana, ma wùt we a wù nyiŋa a tô àtɨ̂n ti khɨti mwə̀ me a ghɨ fêkà jit yi mwə̀li atɨ̂n, mù bà a wun a wô. Mu yu jyə̀, yi kwô ni te jyə̀ wùt atɨ̂n à mwə̀ afa mù kìk, yi jìsà na, “Ka fèt wu tuk wu fublù kpene kə hi yun kilù wît yì mòk makə hi yun kilù a belì sù tât. Biyani kə wò kum gutû nì lùkû!”

Nyə̂ ngabli kə ni te ŋwàklù a wu yu afa ghɨ lɨma, samilò, kunsu chiksu sù jɨ̀m nì luk te a tu mô atɨ̂n à jwò samî a tu lùk afa su ndùku mô atɨ̂n. Fə̂ntu mbyî tu nì ghɨt a tihena nì tu sù sojà nì ghɨt a chika nì ghɨt ghe a ghɨ kəta jyaka, nâ nì ghɨt ale ghɨ̂n à jɨ̀m, makə wu kwôs, makə ghɨt ghe a ghɨ kəta ngɨŋsu ghɨnasu, tet lyi let a tu tə̀n, nì kəbi sah à a tu wo afa a tu ndùku mô a sù kùn