Popular Bible Verses from Jêms 3

Share

Tof we wu lo bê ha Yènfù, mô ashyə̂ yule kpenê, kôŋà yi yutì, kwâktè a ghâ, bonê, chyə chyənà chilichili, kwohe yi sen nâ haŋaŋ, gha jûŋà fwo atɨ̂n dô kə ni. Tof wu tɨnu nê nâbi ghə kə yi ghəl, lehînì bu atɨ̂n.

Wùt shìki mô a ghàn a fùtɨ̂n tofa fè khə a ghâ, wu chwûtì a wun a chyəna jûŋà. Wù shìki mô, wu chwûtì atɨ̂n à gha afa wù nè nì ngumlînì nì tofu.

Ghɨt a yutena yome yi yutì a ghɨta fùtɨ̂n, yi ləmâ, yi nî ghɨta hi chyə chyənà chilichili.

À yè mô a wu yu afa ghɨta ghə̀kà ghɨta, nâbi nde hi taŋa kə a to wuna, ghɨ hi chìnà chyə kə yi chyə̂, kwote nâbi yìni gha yi be nê kə yi nî.

Ghàhnà kokhe Bâba a we wù mò Bì ha ghàhnà nì jwo, sùlè kəbi à ghɨ̂t ma à fati Fùyèn ghɨ fune wûn nì jwo tɨni. Ghɨ kokhe Fùyèn nì jwo fè sûlè kəbi ghɨta nì yini. Yi kəta wi hi tê mò ni a wana noma.

Chwûlù wûtù mò nâbi ni mô kəbi wu wus, fè mô tôk à gha be a wùt wu wùn, be fwo atɨ̂n bobhe kə wunu wûtù wù jɨ̀m. Chwûlù nyòkà nâbi ghə a mbyî nì wusu ma wu lo kə nâ wu lùk wu bobhenu.

Biyani, wùt wi hi tihe yikte wu chwû wu lum afân. Chwûlù wûtù mò a shyə be, yè yutè wi, ma wu ti lûn nì lef, yi ywê.

Kə ghàn a dona hi khɨŋa hi tè mò a sù chichà a wana noma, beka Yènfù bè saka lò ghàn ghe ghɨ yike ghɨta hanɨ̂ŋ.