Popular Bible Verses from Jêms 2

Share

Yi ni mò kəbi yi ghəl te wùt kəta kə yi bimî biyani chwûtè wijə bimî tɨni a tô gha afa wù nè ma à hi mô kə bimî yi kponi.

Yìnâ ni chwùtè na wùt shìki kəta yi bimî yi chwùtè wijə a gha afa wù nè ma à hi mô kə yi bimî yi kponi kəbi te chyaka wùna ghe ghɨ kəta wi yohnà mò ma ghɨ ti kpû.

Wana noma, wùt shìki jîs kə na wù ti bimi ha Yènfù, chwûtè wijə a wun a yì fèt, ma jùŋ àtɨ̂n nê hi mô nâ ghə. A nki yi bimî mi yîn làhi bè bònhè wuna?

Yi jwôfàlò ni te wò bime na Yènfù mò kə fù mòk! Nâbi yohnù wu be bimelò nâbi ni, fê fânà chiŋtê a ngək ye Yènfù bè fo ha ghɨna.

Wùt lè làhi jìs na wò bime ki yi bimî nê wi fêt yì wut wù bimeni, biyani yi nê. Mu jyâna, wò wi hi jìs ha mu na wò ti bimi Yènfù bu kə na wò nè yi fêt nì bimi ya mi yê. Gha ghe mu nè chwùtè yi bimî mi.

Beka Yènfù bè shihi sak nâbi nde we wù kwohe wi seni ha wùt ma wù bê tê kwohe jə̀ seni ha wûn. Wùt we wù kwohe seni ha ghɨt ale kəta wi hi tè fàn a yi sâk.

Yi ni chwùtè na, Yènfù lyè wut te wut à chilichili njwo yi fêt yi wuni, a bu kə kum nì bimînì yimi.

Yi ni chwùtè na bimî wuni nì fêt yi wuni ndùku mô kə a shyə̀ mòk. À tì ni yi fêt yi wuni na bimî yi wuni hi kpenê.