Popular Bible Verses from 2 Bità 2

Share

Yi ni chwùtè na Bâba khəlò lum we a fu mô hi bònhè ghɨt a wuna atɨ̂n a ghɨna sù ngə̂k, khə kəbi lum we a fu mô hi khɨte lèm a ghɨt a be atɨ̂n hi tàn wu tuk wu saku.

Yi shìki mô ni, ma à hi mô na yi yê hì bɨlà jwôfà na ghɨna faŋ teka khɨli lum wu chilichili nâ hakoh, chyâ shyəma ghɨna khɨli ma fê kahà hi ywo wi sak yi yuleni ye a ghɨ tì fo ha ghɨna. Gha ye a yi gana ha chichà su fəm mu sin ti chwûtè na ngàn yina mò hamok na, “Bû sùkà a shyə, yi kaha lalò,” ni mò kə nâ hamok. Yìna na, “Ghɨ su nâbi à kùnduk, ma ghɨ fê kahà lyê hi bɨŋle kə a wu chyàklù,” mô kə nâ hamok.

Ghɨna chwùnè ghɨt mɨ ghɨ̂n jîsà na ghɨna nè nêlò, ma ghɨt atɨna hi fê bu wu kwôs, biyani mô wu kwôs ha be nâ ha ghɨna sù ngɨŋ. Yi mô ni beka nâbi ghə shihi tihe wût, wu hi fêtà kə a kwôs ha ghɨna.

Ghɨta ki khɨle Bâba, Bònhì ghàhnà Jisòs Klistù tet fwo a gha a mbyî be fî kaha lye atɨ̂n, ghɨ hì fè tihe ghɨna, ma ghɨt atɨna hi befa chyâ te ghɨna ndùku mô ashyə̂.

Chichà su fəmsu tì fwo kwok a ghàn a fùtɨ̂n kəbi yi ghəl te à ndùku mô a mu tuk mùlè, fòktìsu fəmsu fwo kwok a ghɨta fùtɨ̂n. Su fwo kwoka nyamte yike yi yikî yi fəmi, yi nê na ghɨta fen. Su fwu, ma su hi tunhe Bâba we a wù tì yuna tû ghɨna; kum ni, ma Yènfù nê buŋhê bobhi ghɨna.