Popular Bible Verses from 1 Kòlitiyàns 6

Share

Ba yi ni mò na ghàn khə wi na wun yani mò ndâ Yohnà Yulena te Yènfù fo na ghɨ hi chyə̂ a ghàn à fùtɨ̂n ma? À baha fê kəta wi ghàn, ngɨŋ sanisu, à kəta Fùyèn. Yènfù hì mô ma fu ti yun ghàn laklò. Ghàn lyi lê wun yani ma hi nê gha atɨ̂n, ghɨ fo kokhînì ha Yènfù.

Ba yi ni mò na ghàn khə wi na ghɨt ghe a bu chilichili bè lye wi wu lùk wu fə̀n wù Fùyènù ma? Kə wùt lè bè lehe ngɨŋ à wûn. Ghɨt ghe a ghɨ chyə nì ywena makə ghê lɨmànà, a kəta wi ghɨna, nì ghe a ghɨ kokhe mosòmù makə ghe a ghɨ khɨma sak yi malâ, nì lɨmànà ghe a ghɨ kaha chyə nì ghɨ le, nì ghɨt a chwoŋana nì ghɨt a se a fwona, nì ghe a ghɨ nyo lùkû, mu kwo a ghɨna, nì ghɨt ghe a ghɨ bobhe yet a ghɨ̂tà, nì ghe a ghɨ chwoŋa chwoŋ yi ta, bè lye wi wu lùk wu fə̀n wù Fùyènù.

Ghàn tet à kahi a yi bàm a gha tu liŋa. Wùt ni nâbi yìni gha yi be yi wi hi bobhi wun wu wunu, biyani ma wù ki nê yi gha tu liŋa ghê wùt ywên makə ghe wùt lɨmà, ma wù bobhi wun wu wunu.

Wùt wùlè làhi jìs na, “Mu làhi nì nâbi ghə.” Yi mô kə nâ hamok biyani a bu gha à jɨ̀m a ghɨ mô hi gàmtè a wût. À mò ha mu, ma mu làhi nì nâbi ghə, biyani bu hi tè mò a kwôs nâ a yi gha yile.

Yènfù tì lôhì Bâba a yi kpû, ghɨ mô hi bè lòhè kəbi ghàhnà a wun a jyak.