Popular Bible Verses from 1 Мусэ 37

Share

Илъэгъуащ Исуф пщӀыхьэпӀэ жэщ гуэрым, яхуиӀуэтэжащ ар езым и къуэшхэм: мыдрейхэми ар нэхъри жагъуэу ялъагъу хъуащ.

Екъуб адрей и къуэхэм нэхърэ Исуф нэхъыфӀу илъагъурт, сыт щхьэкӀэ жыпӀэмэ ар езым и жьыщхьэм къыхуэхъуа и къуэт; арати, хуригъэщӀащ абы гъуапэ зиӀэ щыгъын кӀыхь.

Абдеж къащӀащ зэш псоми нэхърэ ар нэхъыфӀу я адэм зэрилъагъур; ялъагъу мыхъуи хъуащ ар, ахэр абы дахэуи епсэлъэжыфыртэкъым.

Илъэгъуащ аргуэру Исуф нэгъуэщӀ пщӀыхьэпӀи, яхуиӀуэтэжащ ари и къуэшхэм: – ФыкъэдэӀуэ, аргуэру пщӀыхьэпӀэ слъэгъуащ, дыгъэми, мазэми, вагъуэ пщыкӀузми щхьэщэ къысхуащӀу.

И къуэшхэр къыхузэгуэпырт абы; ауэ Исуф и адэм игу ириубыдащ абы и псалъэр.

Исуф яжриӀащ абыхэм: – ФыкъедаӀуэ сэ пщӀыхьэпӀэ слъэгъуам. Слъэгъуащ: дэ пхырхэр дощӀри губгъуэм дитщ, си пхырыр уващ, уващ захуэу, икӀи фи пхырхэр хъурейуэ абы къеувэкӀри, щхьэщэ къыхуащӀащ си пхырым.

ДыкӀуэнщи, иджы дукӀынщ ар, иддзэнщ ар псыр зэрыгъукӀа мащэ гуэрми, жытӀэнщ хьэкӀэкхъуэкӀэ бзаджэм ишхауэ; итӀанэ деплъынщ абы и пщӀыхьхэм къикӀым.

Арати, Мидиам щыщ сатуущӀэхэр щыблэкӀым, мащэм Исуф кърагъэфыжри иращащ ар исмэхьил цӀыхухэм дыжьын тӀощӀкӀэ, абыхэм Исуф Мысырым яшащ.

ЖаӀащ абыхэм: – Мес, къокӀуэ пщӀыхьэпӀэ зылъагъур.

Къалъэгъуащ абыхэм Исуф жыжьэу, икӀи абыхэм, ар гъунэгъу къахуэмыхъу щӀыкӀэ, мурад ящӀу щӀадзащ ар яукӀыну.

Рубэн адэкӀи яжриӀащ абыхэм: – Фымыгъажэ лъы; ивдзэ ар губгъуэ нэщӀым ит мащэм, ауэ фемыӀусэ абы. Абы ар щӀыжиӀэр абыхэм ар яӀэщӀихыу и адэм хуигъэкӀуэжын щхьэкӀэт.