Popular Bible Verses from 1 Timoteo 5

Share

Te parautiꞌa, te taŋata taꞌe hāpaꞌo i tōꞌona huaꞌai ꞌe i tāꞌana huaꞌai mau ꞌā e hārui ꞌana hai tuaꞌivi i te hāpī parautiꞌa o te ꞌAtua, ꞌe tōꞌona māhatu ꞌata hau ꞌi te rake-rake ki te nuꞌu ꞌina he ⌊haka moe i te manaꞌu⌋ ꞌi ruŋa i te ꞌAtua; te nuꞌu era, paꞌi, e hāpaꞌo rō ꞌana i te rāua huaꞌai.

Ana kī tāꞌue koe i te hape o te taŋata paꞌari, e kī hai moꞌa, pa he kī iŋa ōꞌou ki tuꞌu matuꞌa tane. Ki te ŋāŋata ꞌāpī e kī pa he kī iŋa ōꞌou ki tuꞌu taina.

Te nuꞌu pūꞌoko haka tere o te nūnaꞌa taŋata haka moe i te manaꞌu ꞌi ruŋa i a Ietū aŋa riva-riva i te rāua aŋa e moꞌa ꞌe e ꞌauhau riva-riva e te taina. ꞌE te nuꞌu raꞌe mau mo moꞌa ꞌe mo ꞌauhau riva-riva ko te ŋā pūꞌoko haka tere ena te rāua aŋa he haka ꞌite i te vānaŋa o te ꞌAtua.

ꞌIna koe ko veve-veve mo haꞌataꞌa ꞌe mo haꞌamaitai i te kope mo te aŋa o te ꞌAtua hai haka puā i tuꞌu rima a ruŋa, ꞌo ai e hara rō ꞌā kai ꞌite hia koe; pē ira he hara takoꞌa a koe. E hāpaꞌo koe ꞌo hara.