Popular Bible Verses from 1 Timoteo 4

Share

E uꞌi ꞌo taꞌe haka au rō atu ꞌo te ai ōꞌou he taŋata ꞌāpī. Hai huru o tuꞌu vānaŋa ꞌe o tuꞌu noho iŋa, hai haŋa ōꞌou ki te rua, hai huru o tuꞌu haka moe iŋa i te manaꞌu ꞌi ruŋa i te ꞌAtua ꞌe hai noho iŋa hara kore ana haka takeꞌa ki te tētahi nuꞌu haka moe i te manaꞌu ꞌi ruŋa i a Ietū pē hē takoꞌa a rāua ana ai.

Te haka aŋa i te hakari mo haka hio-hio e hauhaꞌa rō ꞌā, ꞌe te ꞌite mo moꞌa ꞌe mo haꞌatura ki te ꞌAtua ꞌata hau rō atu i te hauhaꞌa, ꞌe taꞌe mo te noho iŋa ꞌi te ao nō nei, pē ira ꞌana mo te noho iŋa ka oho mai ena.

E uꞌi riva-riva te huru o tuꞌu noho iŋa ꞌe te huru o tuꞌu hāpī iŋa i te rua; e haka hio-hio e oho nō koe i te ŋā meꞌe taꞌatoꞌa ena. Mo aŋa ōꞌou pē ira, taꞌe ko koe nō te meꞌe ka eꞌa ena mai roto i te ūtuꞌa o te hara, pē ira ꞌana te nuꞌu haka roŋo atu.

Ko haka ꞌite riva-riva ꞌā e te ⌊Vārua Maitai⌋ pē nei ē: ka hāhine ena te ŋā mahana hopeꞌa era, tētahi taŋata e ko haŋa haka ꞌou mo haka roŋo ki te hāpī parautiꞌa o te ꞌAtua. Ka haka roŋo ena ki te hāpī reo-reo o te tātane

ꞌIna koe ko haka roŋo ki te ꞌaꞌamu maꞌa-maꞌa o te taŋata. Ka aŋa ka oho nō koe mo ꞌata pūai ōꞌou pa he taŋata moꞌa ꞌe haꞌatura ki te ꞌAtua.

ꞌI tuꞌu tiaki iŋa mai, e taiꞌo koe ki te taŋata i te ⌊Pāpaꞌi Moꞌa⌋, e hāpī ꞌe e haka haŋu koe i te taina.