Popular Bible Verses from 1 Iovani 2

Share

E te taina, ꞌina kōrua ko haŋa ki te ao haka tere hai manaꞌu taŋata ꞌe ki te meꞌe vaꞌai mai. Mo haŋa o kōrua, ꞌina ia kōrua he haŋa ki te ꞌAtua Matuꞌa ꞌo te ai pē nei ē: te meꞌe vaꞌai mai e te ao haka tere hai manaꞌu taŋata taꞌe mai te Matuꞌa i oho mai ai, mai te ao mau nei ꞌā. ꞌE ko te ŋā meꞌe nei te meꞌe vaꞌai e te ao: he pohe ki te meꞌe haŋa nō e te hakari, he pohe ki te meꞌe takeꞌa e te mata ꞌe he haka manaꞌu i te taŋata: i a ia mau nō te tano ꞌo te ai ōꞌona he ꞌono.

ꞌE te ao haka tere hai manaꞌu taŋata nā e kore e oho ena koia ko tāꞌana meꞌe taꞌatoꞌa taꞌe tano. ꞌE te kope aŋa i te meꞌe haŋa e te ꞌAtua, i a ia te ora ꞌāpī ꞌina he hopeꞌa raꞌa.

Te kope kī: ꞌi muri i te ꞌAtua a ia, e haka tere ia i a ia pē Ietū Kiritō.

E te ŋā poki ꞌāꞌaku ē, e pāpaꞌi atu ena a au i te meꞌe nei ꞌo hara kōrua. ꞌE mo hara tāꞌue e tahi o kōrua, e ai rō ꞌana e tahi kope ꞌi muꞌa o te ꞌAtua mo vānaŋa mo te tātou ora ko Ietū Kiritō, ꞌe a ia he kope aŋa i te meꞌe tī-tika.

Te kope kī: «Ko māhani ꞌā a au i te ꞌAtua» ꞌe ꞌina he haꞌatura ki tāꞌana meꞌe kī, he reo-reo e tahi, ꞌe ꞌina he maꞌu i te roŋo parautiꞌa o te ꞌAtua.

A tātou e ꞌite nei e māhani rō ꞌana ki te ꞌAtua hai haꞌatura o tātou ki te roŋo o te ꞌAtua.

Te kope kī: ꞌi roto i te māꞌeha a ia, ꞌe te parautiꞌa mau e riri rō ꞌana mo tōꞌona taina, ko te noho iŋa ꞌana ꞌi roto i te pōhāhā.

¿Ko ai ia te kope reo-reo? He kope kī: a Ietū taꞌe he ⌊Kiritō⌋. Ko ia te kiritō reo-reo ꞌo te ai pa he taꞌe haŋa iŋa era ꞌā ōꞌona ki te ꞌAtua Matuꞌa, pē ira ꞌā e taꞌe haŋa takoꞌa ena ki tāꞌana Poki.

Te kope taꞌe haŋa ki te Poki, taꞌe a ia o te ꞌAtua Matuꞌa. ꞌE te kope kī: o te Poki a ia, o te ꞌAtua Matuꞌa takoꞌa a ia.