Popular Bible Verses from 1 Iovani 1

Share

ꞌE mo kī o tātou ki te ꞌAtua i te tātou hara, he haka kore e ia, ꞌe he haka maꞌitaki i te meꞌe taꞌatoꞌa taꞌe tano o roto i te tātou māhatu, ꞌi te ai ōꞌona he ꞌAtua aŋa i te meꞌe tī-tika ꞌe haka tano i tāꞌana meꞌe kī.

ꞌE mo noho o tātou ꞌi roto i te mōrī, pa he oho iŋa o te ꞌAtua, i a tātou te ora ꞌāpī o te ꞌAtua, ꞌe te toto o tāꞌana poki ena ko Ietū e haka kore rō ꞌana i te tātou hara.

Mo kī o tātou ꞌina a tātou he hara, e reo-reo ꞌana a tātou ki a tātou ꞌā, ꞌe ꞌina kai aŋi-aŋi i te roŋo parautiꞌa o te ꞌAtua.

Te roŋo hāpī mai era e Ietū Kiritō ꞌe e haka ꞌite atu ena e mātou: te ꞌAtua he Mōrī ꞌe ꞌina he meꞌe pōꞌuri ꞌi ruŋa i a ia. Mo kī o tātou: i a tātou te ora ꞌāpī o te ꞌAtua, ꞌe te parautiꞌa mau ꞌi roto i te pōꞌuri a tātou e noho nei, e reo-reo ꞌana a tātou, ꞌe te noho iŋa o tātou ꞌina he tano ki te roŋo parautiꞌa o te ꞌAtua.

ꞌE mo kī o tātou ꞌina a tātou kai hara, e kī ꞌana ia a tātou i te reo-reo o te ꞌAtua, ꞌe ꞌina a tātou he haŋa parautiꞌa ki tāꞌana vānaŋa.