Popular Bible Verses from Roman 3

Share

Mbəʼnə ŋwùə̀ ntsùmə̀ a ghɨ̀rə̀ mə a tɨ̀pòŋə̀ ntyiʼə̀ mbə a ndyə̌ sàa aŋunə Nẅùə̀ nɨ a wa nchwarə̀. La, Nẅùə̀ a lə̀ nèrə̀ àpòŋə̀ ntɨŋmə̀ e aŋunə pobə àfǐfǐ ngɨ̀rə̀ mɨ̀nwùə̀ ɨ̀mobə təəmə̀, ndàŋə̀ a ndzùmə̀ Yěsû Kristù nɨ à lə̀ chwarə̀nə a ghobə.

Nẅùə̀ à ghɨ̀rə̀ mɨ̀nwùə̀ pə̀ənə̀ təəmə̀ pə a nɨ làŋə̀ a ndzùmə̀ àpyiimə̀ ntɨŋmə̀ àzobə aŋunə Yěsû Kristù, ntiinə ka tə̀chwìi ɨ̀tse a pə e ghu.

Nẅùə̀ à lə̀ ŋâ e tsaʼa mômbyə̂ nɨ̀shwàʼà lo â lòo alyiʼə àzəənə̀, mbə̀ʼə pə̀ənə̀ nùŋə̀ ntɨŋmə̀ aŋunə àləəmə̀ e. Nẅùə̀ à lə̀ ghɨ̀rə̀ a lenə lə a nɨ nèrə̀ tsaʼnə mɨ̀nwùə̀ ɨ̀me təəmə̀nə. À lə̀ ẅìimə̀ mbɨ̀ŋmə̀ e, ngwâ mɨ̀nwùə̀ mɨ tɨ̀pòŋə̀ nɨ pànə̀ lə̀ ghɨ̀rə̀nə nkwùə̀ ntsàambyə̀. La tɨ̀tsòŋə̀ wə̀, ka Nẅùə̀ a chi ngwâ e a tɨ̀pòŋə̀ pànə̀ pɨ mɨsoŋə. À wə̀ ntyiʼə̀ nnèrə̀ pə tsaʼnə mbə̀ʼə mɨ̀nwùə̀ mɨ pànə̀ təəmə̀ ndəŋə ndəŋə pobə pɨ pobə.

Lenəla, ka ŋònə̀ ɨ̀tse a pə e ghu nɨ mɨ̀nwùə̀ ɨ̀me təəmə̀nə a mbyə̀ Nẅùə̀ ntiinə a wə̀ ndzùŋə̀ a mbòomə. Mbòomə a ghɨ̀rə̀ pə lo pə̀ənə̀ zhyə̂ a tɨ̀pòŋə̀.

Pɨ ŋwàʼnə̀ amwuə àŋwàʼnə̀ Nẅùə̀ lo, “Ka ŋònə̀ ɨ̀tse a pə e ghu nɨ mɨ̀nwùə̀ ɨ̀me təəmə̀nə. Tyìʼə̀ taʼà ka a pə e ghu. Ka ŋònə̀ ɨ̀tse a pə e ghu nɨ à zhyə̂nə ɨ̀nwùə̀ ɨ̀tsùmə̀. Ka ŋònə̀ ɨ̀tse a kɨ mbə e ghu nɨ a tàʼnə Nẅùə̀. Pànə̀ pɨ̀tsùmə̀ waʼà mə àlàŋə, ntyiʼə̀ mbwuutə̀ mbə àfǐfǐ; Ka ŋònə̀ nɨ à ghɨ̀rə̀nə mɨ̀nwùə̀ mɨ̀shìʼnə̀ a pə e ghu. Ka tyìʼə̀ taʼà ŋwùə̀ a pə e ghu.

Mbəʼnə pə̀ənə̀ pyiimə̀ la lo, mɨ̀nwùə̀ mɨ ŋwùə̀ təəmə̀ a mbyə̀ Nẅùə̀ ndzùŋə̀ la àpyiimə̀ ntɨŋmə̀ e, ka pə e pə ntiinə à ghɨ̀rə̀nə ànwùə̀ nɨ mbòomə à nèrə̀nə.

Mbə̀ʼə a pə e a lenə apə̀. Pə̀ənə̀ zhyə̂ lo Nẅùə̀ a shwəŋə̀ la nkǔŋə nkuŋə mbaa pə tsaʼnə ŋwùə̀ mɨsoŋə a pənə ngàŋə̀ pɨ̀chwìrə̀. Tsaʼnə pɨ ŋwàʼnə̀nə amwuə àŋwàʼnə̀ Nẅùə̀ lo; “Lenəla pobə zəənə̀ lo àshwəŋnə̀ o a nkǔŋə nkuŋə, Nẅùə̀ a pə saʼà ɨ̀sàʼa o, wə̀ zɨghə̀ a ẅèrə.”