Popular Bible Verses from Röm 2

Share

O yïn, yï ngɑn-ɑ nyi cɑy tyëng-ɑ nyi göögø ki gïg ni møgɑni, e gïgɑni ogøggø yi yïn; yï orumø kinni yï óbødh ki cɑyø yi Jwøk? Wɑlɑ̀ yï bwøn-ɑ døøji Jwøk, kí guume, kí ngïne mɑwɑnø. Ngɑ̈nyi yi yïn ceth kinni Jwøk døøj, o dwɑdd-ɑ kinni o yï yewí.

Kɑ ɑ́rum bëëde kinøw, yïn ɑ ngɑn-ɑ nyi cɑy ngɑn megø, cɑgg yï løg men, bong keny këjji yi yïn; yï ngɑn-ɑ cɑyyi tyëngmøøgø, yï gøgg-ɑ gïg-ɑ gøggi yi gen; mɑ́ kenyi cɑɑy gen, yï nyi cɑy-ɑ rií.

Mɑ́ e bong ji mø yïëy yi Jwøk kì wɑ̈ye gen.

Mɑ́ e pɑth ki tyëng-ɑ nyi wɑ̈dhi Ciggi Mosɑ̀ ki lïngø ɑ tir kì yï Jwøk; dɑ́ tyëng-ɑ nyi gwøg møg-ɑ kømmi yi Ciggɑni ɑ nyi göögø ge tir.

Mɑ́ dhɑnhø óyod-ɑ kööng-ɑ kyëëw ki gwøge.

Ji møøgø bɑ cuung, o ge bɑny-ɑ gïn-ɑ bɑ dyër, ge yɑb-ɑ gïg-ɑ pɑth ki dyër; Jwøk rɑ̈ji pyëwe geki linye ókønye kömi gen.

De kɑ̀ bëëd muní teeg, o yï pëddi pëmø, cɑ́y-ɑ ópɑ̈dhi kömí ceg kɑ gwøgø yi yïn ge døngø, kì cyɑ̈ɑ̈ng rɑ̈ji pyëw Jwøk; cyɑ̈ng-ɑ ónyoodh cɑ́y-ɑ dyër.