Popular Bible Verses from Kedhø 2

Share

Kɑ ywøøg gen lïngi yi Jwøk, Jwøk ɑ́bëëd e nudd e mïdh-ɑ lwöm-ɑ kɑɑm gen kí Abrɑhɑm, kí Isɑɑk, kí Yɑgob. Kɑ orɑɑng tyëng Isrɑil lidh yi Jwøk, ɑywöngi yije kipe gïn.

Kì bɑng keny me bɑ̈ɑ̈r, kɑ rɑ̈ɑ̈dh Rïp othøø. Kɑ tyëng Isrɑil nyingi gen ti ki guudø yi tyëng Rïp. Kɑ ge ywøøg-ɑ kö Jwøk.

Kɑ nyelthinh ódøngø, ɑmuujii nyɑɑr rɑ̈dh yi ngɑnɑni. Kɑ cɑg yi nyɑɑr rɑ̈dh ɑ́ Mosɑ̀, mɑ́ e ɑ́kööb kinni, “Ákɑ̈ɑ̈l ɑ nɑm.”

Aköbbi ngɑnɑni yi nyɑɑr rɑ̈dh kinni, “Kwɑny nyelthinh men, kɑ dhwøødh. Pïdhí yɑn, kööngí ómëggɑ yïn.” Codhe, ɑkwɑɑny nyɑgïnɑni yi ngɑnɑni kɑ gø pidhe.

Kɑ nyɑɑr rɑ̈dh bï-ɑ gɑ̈d be lwøggø e cyɑ̈dhi kɑ bɑ̈ngge, bɑ̈ngg-ɑ mɑ̈nn, ɑlidhe dyënyɑni kì kelli lum kì nɑm, kɑ bɑ̈nge ɑ́kyel öre be dwɑɑyii.

Keny-ɑ ɑ́døngi Mosɑ̀, ɑkedhe be lidhi wɑddi gen, ɑ løg tyëng Ibru, o lidhe orɑng-ɑ rɑngi gen. Kɑ jɑl Rïp megø lidhe e gøj-ɑ wɑ̈d Ibru, ɑ løg wɑɑd Mosɑ̀. Kɑ Mosɑ̀ lïïdh-ɑ tuung kí tuung, kɑ bong-ɑ dhɑnhø me lidhe, ɑgøje jɑl Rïp kɑ gø nɑ̈ge. Kɑ gø gööle thɑ ɑyejø.