Popular Bible Verses from Kuen 14

Share

Ɛ ni ɣöö, /cuarɛ tɛr kɛ Kuoth Nhial. Kä /cuarɛ dual kɛ kɛn ji̱ muɔ̱ɔ̱n, kɛ ɣöö kɛ mi̱th kɔn. Thilɛ kɛ mi gaŋ kɛ, kä te Kuoth Nhial kɛɛl kɛ kɔn. /Cuarɛ dual kɛ kɛ.”

‘Kuoth Nhial kui̱c gakdɛ, kä tëë nhök mi thil pek, kä tëë päl dueeri kɛnɛ jiäk, kä cɛ duer bäny piny a /kenɛ thuɔ̱k. Kä la duäcɛ gaat kɛ dueer gua̱nikiɛn amäni ri̱c in diɔ̱ɔ̱kdiɛn kɛnɛ ŋuaandiɛn.’

Kä mi te Kuoth Nhial rɛydan, bɛ kɔn naŋ ɛn muun ɛmɔ, kä bɛ jɛ ka̱m kɔn. Ɛ mun caak kɛnɛ liɛɛth tuar.

Duundɛ ɣöö ja̱ŋdä ni Ka-leb bä jɛ naŋ ɛn muun in cɛ wä thi̱n, kɛnɛ karkɛ ba duŋdiɛn. Kɛ ɣöö tëë kɛ ca̱r mi göl kä cɛ guɔ̱ɔ̱r ni ruacdä kɛɛliw.

Jiök ɛ kɛ i̱, laar Kuoth Nhial ɛ i̱, ‘Ce̱tnikɛ tëkdä min lat yɛnɛ cä liŋ, bä lät kä yɛ.

Kä cu Kuoth Nhial Muthɛ jiök i̱, “A bi ku mäni nɛy bi nɛy ti̱ti̱ ɣä yaak ɔ? Kä bi mäni nɛy ci kɛn ɣä bi ŋäth ɔ, rɛy nyuthni diaal tin ga̱ykɛ naath tin cä la̱t rɛydiɛn?

Kä cu ji̱ I-thɛ-rɛl diaal gaak kɛ Muthɛ kɛnɛ Ä-ron. Cu duɔl kɛɛliw kɛ jiök i̱, “Ci dëë gɔaa ni mi cakɔ li̱w ro̱o̱l I-jëp! Kiɛ dëë ŋua̱n ni lia̱a̱da däärdɔaar ɛ mi!

Kä cu Jɔ-cua gat Nun kɛnɛ Ka-leb gat Yɛ-pö-nɛ, tëë te rɛy nɛɛni tëë wa mun lim, bieynikiɛn rɛ̈t. Kä cukɛ duɔl ji̱ I-thɛ-rɛl diaal jiök i̱, “Ɛn mun in cakɔ rët kɛ jɛ in wa̱kɔ lim, kɛɛliwdɛ ɛ mun mi gɔaa.

Duundɛ ɣöö ɣän Kuoth in tëk bi wi̱c muɔ̱n thia̱ŋ kɛ liakdä. Kä nɛy diaal tëë ci buɔ̱mdä nɛn kä I-jëp kɛnɛ lätkä tin ga̱ykɛ naath rɛy dɔaar kä ca ɣä ɣɔ̱n ni kä wäl ɛn täämɛ kä /ka̱n ruacdä liŋ. /Ca mun ëë cä la̱r gua̱ni bi nɛn. Kɛn tin diaal tin yɔaŋkɛ ɣä.