Popular Bible Verses from Kuen 13

Share

Duundɛ ɣöö cu Ka-leb naath gok nhiam Muthɛ, wee i̱, “Wanɛ ɛn täämɛ banɛ mun wä ka̱n, kɛ ɣöö ban ɛ jɛ luäŋ kɛ käni.”

Ɛn wani ca̱kɔ Nɛ-pɛ-lim gat Ä-nak raan Nɛ-pɛ-lim nɛn, wäŋnikɔ cua̱ kɔ ce̱tnikɛ rak, inɔ cua̱ kɔ ce̱tkɛ rak waaŋdiɛn bä.”

Kä cu nɛy tin ci wä kɛɛl kɛ jɛ wee i̱, “Canɛ kɛ /dëë me̱t luäŋ kɛ juc. Kɛ ɣöö bum nikɛn kä kɔn.”

Inɔ cukɛ ji̱ I-thɛ-rɛl nöŋ ruac kacä mi jiäk kɛ kui̱ muɔ̱ɔ̱n ëë ci kɛn ɛ wä lim, ɛ laar kɛn ɛ i̱, “Ɛn mun ëë cakɔ wä lim, ɛ mun mi wuth nɛy tin te thi̱n piny. Kä nɛy diaal tëë cakɔ nɛn thi̱n kɛ nɛy ti ba̱r ba̱a̱r.

Kä cu kɛ jɛ jiök i̱, “Cakɔ luny jɔk muun in cikɔ jäk kä thi̱n. Ɛ mun caak kɛnɛ tuaar, ti̱ti̱ kɛ dɛy jiɛɛn kɛ.

Ɛ ni ɣöö kɛn nɛy tin ciaŋkɛ jɛ kɛ nɛy ti buɔ̱m buɔ̱ɔ̱m kä ti̱eckiɛn kɛ ti̱ec ti buɔ̱m buɔ̱ɔ̱m ɛlɔ̱ŋ kä cakɔ kuay Ä-nak nɛn thi̱n bä.

Cieŋ ji̱ Ä-ma-lek kä Nɛ-gɛb, kä ji̱ Ɣɛ̈th kɛnɛ ji̱ Yɛ-buth kɛ ji̱ Ɛ-mor cieŋkɛ däär wec pa̱a̱m. Kä ji̱ Kɛ-naan cieŋkɛ wi̱i̱ yiëër kɛnɛ taŋ kiɛr Jɔr-dɛn.”

Cukɛ ben kä Muthɛ kɛnɛ Ä-ron kɛ duɔl ji̱ I-thɛ-rɛl diaal däärdɔaar Pa-ran kä Ka-dɛc. Cukɛ kɛ nöŋ ruac, kä cukɛ kɛ nyuɔ̱th dɛy jiɛɛn tin ci kɛn kɛ nööŋ muun Kɛ-naan.