Popular Bible Verses from Tuk 49

Share

/Ci kɛɛt kuäärä bi luɛ̈ɛ̈r tetädɛ, kiɛ tetdä kuaynikɛ, amäni mi wä gua̱ndɛ ben, kä bi döör diaal jɛ cu luɔ̱th.

“Jo-thɛp ce̱tdɛ kɛ jiath mi läk läk mi ci piith gekä lo̱o̱lä, kä ci karkɛ läk puɔ̱ɔ̱ny kal. Ci ji̱ tɛ̈rɛ jɛ moc riɛk, kä cikɛ jɛ yiɛth kä ca̱a̱r kɛ kui̱n kui̱n, a görkɛ ni dhi̱el ɛ.

Kä kui̱n kui̱ndɛ /ke̱nɛ me̱t bath piny, kä /ke̱nɛ tetdɛ lath, kɛ ɣöö ca jɛ luäk kɛ lua̱ŋ bumä Kuɔth Je-kɔb, min mɔ yiëën de̱e̱t in la gääŋ gan I-thɛ-rɛl. Jɛn Kuoth in le̱ny buɔ̱mdɛ ti diaal, in la Kuoth guur min la guic ji̱ kä poth ji̱, kɛ puɔ̱th mi bëë ni puɔ̱rä kɛnɛ puɔ̱th pi̱i̱ni mi päl raar ni piny i̱, puɔ̱th di̱ethä gan ti puɔl pua̱nykiɛn.

“Juda, bi gaatmuɔɔri ji̱ liak, bi tetdu teni ŋuääk ji̱ tɛ̈ru, kä bi gaat guur ji̱ goŋ. Juda ce̱t ta̱a̱dɛ kɛ lony mi luny jɔk käk, mi lɔ̱ŋ tɔ̱ɔ̱cä. Ɛŋa mi nhɔk kër ɛ ni̱n?

“Rɛ-u-ben, ɛ ji̱n kɛ̱̈ɛ̱̈dä pa̱ny min la nyuth ŋuɛɛtädä, kä jio̱l kuayni kä tieey dapädä. Di̱t ni luthdu rɛy gankä, kä di̱t ni buɔ̱mdu rɛydiɛn. Ci ji̱n a lɛny lɛny ce̱tkɛ pi̱ nyɔac, /ci rɔ bi nyɔk kɛ di̱t rɛy gankä, kɛ ɣöö ci män guur ka̱n, kä inɔ, ci thil luth kɛ kölkä.