Popular Bible Verses from Ɣöth 3

Share

Cu Kuoth Muthɛ jiök i̱, “Ɛ ƔÄN MI TE WANƆ.” Kä cu Kuoth Nhial wee jiök ni kɛ i̱, “Min cɔali ɛ ɣän min te wa̱nɔ ci ɣä jäk kä yɛ mɔ.”

Cuɛ Muthɛ jiök i̱, “Bä dhil te kɛɛl kɛ ji̱, kä bi nɛmɛ a nyuuth kɛ kui̱du, mi biɛ nyoth i̱ jäk i̱ ɣän, kä ji̱n mi wi̱i̱ nɛy tɔ̱tɔ̱ wä böth raar kä I-jëp, yɛn bia Kuoth ben pal wi̱i̱ pa̱a̱m ɛmɛ.”

Kä cu Kuoth jɛ ku jiök i̱, “/Cu rɔɔdu cak ti̱eec thiäkä kämni wa̱a̱riku raar kɛ Ɣöö ɛn gua̱a̱th ɛ cuŋi thi̱n ɛ, ɛ mun mi thɛ̈kɛ, mi rɛl gɔɔydɛ rɔɔdɛ.”

Cu Kuoth Nhial ɛ jiök i̱, “Ɣän cä bɛ̈c bɛ̈ɛ̈c nɛɛnikä ŋäc kä gua̱a̱th kä I-jëp, cä lulliɛn in ci ränh kä ɣä kɛ kui̱ kua̱ri La̱tdiɛn liŋ, kä cä jiɛ̈th lɔaaydiɛn nɛn ɛpuc. Kä cä ben piny kɛ ɣöö bä kɛ ben naŋ raar te̱tni ji̱ rööl I-jëp, kä bä kɛ naŋ raar ɛn muun ɛmɔ, kä bä kɛ naŋ muun mi gɔaa, mun mi di̱i̱t, jɛn mun caak kɛnɛ tuaar. Jɛn ro̱l ji̱ Kɛ-naan, kɛ ji̱ ɣɛ̈th, kɛ ji̱ Ɛ-mor, kɛ ji̱ Pɛ-rii-dhi, kɛ ji̱ Iwi kɛnɛ ji̱ Yɛ-buth.

Kä cu jääk Kuɔth Nhial rɔɔdɛ nyuɔ̱th jɛ kɛ bo̱l maac däär buɔ̱t buɔ̱ɔ̱t. Cuɛ butbut nɛn pɛtdɛ kɛ mac, Kä /ci mac jɛ waŋ piny bä.

Bër, ja̱kä ji̱ kä Pɛro, bi nɛɛkä ni ji̱ I-thɛ-rɛl wä böth raar kä I-jëp.”