Popular Bible Verses from Ɣöth 2

Share

Kä cu Kuoth lulliɛn liŋ, kä cuɛ ruac ëë cɛ gok kɛnɛ A-bɛ-ram, kɛ Ay-dhɛk, kɛ Je-kɔb tim. Cuɛ ji̱ I-thɛ-rɛl guic kɛ lɔc mi kɔ̱c, cuɛ ciaaŋdiɛn je̱k kɛ lɔcdɛ.

Kɛ gua̱a̱th mi bäär, cu kuäär I-jëp li̱w, cu ji̱ I-thɛ-rɛl lɔcdiɛn ŋot kɛ dɛ̈t kɛ yaakdiɛn, kä cukɛ wiee kɛ ɣöö baak kɛ luäk, kä cu wieediɛn cop nhiam Kuɔth.

Cu gat piith. Mëë cɛ ku di̱t, cuɛ jɛ nöŋ nyaa Pɛro, kä cuɛ cua gatdɛ. Kä cuɛ ciötdɛ cɔl i̱ Muthɛ, kɛ ɣöö cɛ lar i̱, “Ka̱mä jɛ raar rɛy pi̱i̱ni.”

Kä mëë cɛ ben, cu nyaa Pɛro ɛ ben jiök i̱, “Naŋ gat ɛmɛ kä wër rɔm ɛ kɛ kui̱dä, kä bä ji̱ kɔk.” Ɛ jɛn, cu ciek gat ɛmɔ naŋ, kä cuɛ jɛ wä luëëth.

Täämɛ cu nyaa Pɛro ben puaak thook waath, cu nyi̱er tin la̱a̱tkɛ ja̱l kɛ wi̱c yiëër. Cuɛ di̱eny nɛn rɛy gutdä kä cuɛ nya la̱tdɛ ja̱k kɛ ɣöö bɛ wä no̱o̱ŋ.

Kɛ cäŋ kɛl mëë ci Muthɛ kua wut, cuɛ nɛɛkɛ wä gui̱l kä cuɛ di̱t lätnikiɛn wä nɛn. Cuɛ raan I-jëp nɛn duääcɛ raan Ɣi-bɛ-ru mi raan nɛɛnikɛ. Cuɛ kui̱c ɔ kɛnɛ kui̱c ɔ liɛc, mëë thilɛ ram mi cɛ nɛn, cuɛ raan I-jëp ɛmɔ näk, kä cuɛ jɛ muɔl piny rɛy litdä.