Popular Bible Verses from Ɣöth 15

Share

Cuɛ wee i̱, “Mi wiaa ruac Kuɔthdun ni Kuoth Nhial wä liŋ agɔaa, kä bia la̱t ni min la cuɔ̱ɔ̱ŋ nhiamdɛ, kä bia ji̱thkun lɛp agɔaa kɛ lieŋ lueeknikɛ, kä bia ŋuɔ̱tkɛ diaal ka̱p lɔɔcdun a bum, thilɛ liaw kɛl mi bä nöŋ yɛ kä kɛn liaw diaal tëë cä tɔ̱ɔ̱ŋ ni ji̱ I-jëp, kɛ ɣöö ɛ ɣän Kuoth Nhial min la te̱e̱kdun.”

Kuoth Nhial ca jɛn lua̱ŋdä, kä ca jɛn pakdä, kä cɛ ŋɔa̱a̱ŋ ca jɛn ka̱ndä. Ɛ jɛn Kuothdä pa̱ny, ɣän bä puany ni jɛ. Ɛn Kuoth gua̱a̱r, ba liak.

“Kua ŋa mi ce̱t ji̱, ji̱n Kuoth Nhial, rɛy kuthni? Kua ŋa päär ji̱ mɔ, mäni rɛy gɔɔyädu kɛɛliw, kɛ rɛy lätniku tin gɔw, kɛnɛ lätku tin ga̱ykɛ naath?

“Ci nɛɛku tin ci luɛl bo̱th kɛ nhök mi /ci rɔ wany. Ci kɛ bo̱th kɛ buɔ̱mdu, bo̱thi kɛ guäth ciɛŋädu min rɛl rɔ.

Mëë wäkɛ cop kä mara, cukɛ pi̱ je̱k thi̱n, kä /cikɛ kɛ dëë math kɛ kɛ̈cdiɛn, cu nɔmɔ cua thar kä min ca cäk ni jɛ ciöt i̱ mara. Cu naath wä luk kɛ Muthɛ kä thieckɛ jɛ i̱, “Bakɔ ŋu math?” Cu Muthɛ Kuoth Nhial cɔl kɛ wiee, cu Kuoth Nhial ɛ nyuɔ̱th ŋuɔ̱ny jiaath, cuɛ jɛ yuɔr rɛy pi̱i̱ni, cu pi̱ rɔ̱ looc ni ti gɔw. Nɛmɛ ɛ jɛn gua̱a̱th ëë cu Kuoth kɛ la̱th ŋutdä mi wir wir kä cuɛ kɛ thɛm thi̱n.