Popular Bible Verses from ETALEYEHINA 22

Share

Ani osiere iko ecuŋi, etteri iko esidi.”

Attati Yesu jiaran jihoŋ, “Itayirie, eliaha ni attuna! Eyaŋuno adi ni esiorita hoŋ, isiaraniere jio hia 'daŋ ababo ihuo oremehini te ehanita hosi.

Attati Oloholio iko oduoti anna ayemuni jiaran, “Waŋ!” Ijiara hia 'daŋ hulle itayiruni 'to eram ania ojiori luŋa, “Waŋ!” Elle iboto iyye, waŋ! Elle iwak iyye aari hunne iyaŋunie 'to nesu, amata; obeŋi itadumie.

Hotomunohi hia hullo omoti 'to aboŋojin hosi; nyio, osiru jihosi iŋiyere eŋija 'yani huno nesu, buo fe ijiŋari itua bore gala ania, tettekatin.

Ojio Yesu jio, “Itayirie, eliaha ni attuna! Hotomunoi lia, ollo ogottiere 'to ekenita Hollum hutto tua abuk ana!”

Diya, obeŋ adi arue, buo fe aati hulla amanyai 'to diya obeŋi inyiahi iwahan allomo kuyya oloŋ. Nyio, ara adi Hollum Lamonye, afaŋan hosi. Ilohittohi adi isi 'tulaŋ, 'tulaŋ.

Ikiana nyia lia, linyia iramak 'to erre huna 'daŋ jio, “Hode, eliaha ni attuna!” Hétera ihuo nyia. Yesu Lamonye, waŋ! Ijiara ayiji taji Yesu Lamonye, hatawana jihatai 'daŋ ababo.

Asar ni atulo 'daŋ elle itayiru 'to ekenita Hollum hutto tua abuk ana jio: alla afonik obo omuk erre jio ekenita hunia, ofonik adi buo fe Hollum jihonyi ettigemita hunne igioroni ibuk ana. Elle iduha obo atulo omuk ekenita addi, jio ekenita Hollum hutto tua abuk ana, iyimo adi buo fe Hollum inyi eŋija 'yani ono nesu iko iwanari Ibore Gala Elibo, hunne ikiana abuk ana, eram hosi.