Popular Bible Verses from ETALEYEHINA 19

Share

Hamunoti buo fe esahuta! Hétahabuyete akuatan honyi! Nyio, alum ayama ono Olosobe, buo fe oduoti onno olo inyi iyemuna, ihuhum ahuan honyi.

Jio aŋati boŋo enne itihok 'to olohuya honyi, igioro nyia afure ana: “Inyi Hobu alla agalik 'to 'daŋ buo fe ara a Lamonye alla agalik 'to 'daŋ.”

Attati ni igonyuna edou aŋaa. Owon nyia obo akusan aboŋ diya. Iloŋoi nyia lia, linyia adahari 'to inyi, oloyijio alla ara 'to hode. Obis aŋocio hiram honyi iko erumita honyi.

Owulori nyia oŋite honyi ihuo eema. Iyyafatio nyia inyi egoriahien arriai ihou honyi. Igioroni nyia obo afure jihonyi, onno obeŋ tulo omijak arari fe inyi hama. Iyyafatio nyia inyi aboŋo onno owon iko nooto. Afure honyi “Ekiana Hollum.”

To hutuk honyi, ojiŋu nyia ademi erremit onno ofi 'to, itatturiere afauhien. Ilohittok adi inyi jio afauhien hunia obeŋ amehino. Omot adi inyi eŋijiti fino imotit fino anna ara 'to ajore Hollum Laduarani.

Anyarai nyia ahuanyani ania iko ekianani enyabani ollo ojio 'to jio ekiana inyi eram Hollum, linyia ihanio 'to eduariti ihosiere ahuanyani ania. (Inyob nyia inyi aati hunyia ifuotuni 'to eherit ahuanyani ania iko hia, hunyia itahabuye 'to arrijiori honyi.) Ibironi nyia isi 'daŋ arrihai hesui itua tafar ono efuoto amunek onno owulo 'to ahima.