Popular Bible Verses from ETALEYEHINA 14

Share

Attati ni itaniŋuna obo etuk ottu tedou onno ojio jio, “Igiorok eram ana: Itterio ahana many moi, hotomunohi hia hullo orumani 'to naye te negiama hosi jio Lamonye!” Itarraŋ Oloholio jio, “Obis hode jio, oyiri adi isi jio afuto hosi, nyio, ofuoi adi ehanita hosi ikiana tesi!”

Jio aati Hollum, hullo ogottierek 'to efahita honyi buo fe iruhi Yesu, awak eram ania oŋida isi odulori adihan.

Ikiana nyia inyi woŋ woŋ jio jio, “Abaŋata Hollum buo fe isiatta jihonyi akuatan! Nyio, attu asaa onno oŋociere inyi eram waati 'daŋ. Itahabuyete inyi, ayyani olo nedou iko nafau buo aari enne ittokon iko olotilihi 'daŋ!”

Ijifak nyia buo fe obo ajilo etahunihi jio hula arrihai hulia, ette ikiana woŋ woŋ jiojio, “Hia, hunyia itahabuye 'to ahuanyani iko arrijiori honyi, buo fe ifuotuni eherit honyi ihomomite kuyya ihas hosi, amati adi buo fe isi abalu Hollum enne iyaŋuno 'to ajore honyi, enne idolok inyi ilamatit te eloŋojita! Ihosiere ajilohien aliborok iko ihosiere Olosobe, ittigemie adi hia 'daŋ hulle ihani 'to ihuo nyia, te eema iko te efuoto onno owulo 'to ahima. 'Tulaŋ 'tulaŋ, odulo adi afuro duk duk ono eema enne ittigemio isi. Afanni iko arue, obeŋ adi ayiri jio hia 'daŋ hulle itahabuye 'to ahuanyani iko arrijiori honyi, buo fe ifuotuni eherit fure honyi.”

Attati ni imi, ette ni igonyuna Olosobe owotia ihide Doŋe Sayon. Owon nyia inyi iko aati 144,000. Igioro nyia afure honyi iko ono Monyonyi ihomomite hosi.

Attati ni igonyuna obo ajilo idarrata ihide dou. Owoni nyia Asayyo Ayijok hunno osioi 'to 'tulaŋ jihonyi, iramaniere jio aati hutta fau 'daŋ, awoi waati 'daŋ, jio ekenita waati 'daŋ iko jio afauhien 'daŋ.

Ijifak nyia obo ajilo etarrihi jio etteri, ette jiaran, “Akuaharu tibuo inyi! Akuaharu tibuo Babilonia, abore gala ehittok! Itaruma inyi awoi waati 'daŋ te esomiti honyi hunna agalihini 'to 'daŋ, ihuo enne itamat inyi isi abalu.”